Leikskólakennari óskast í Barnaborg í Þingeyjarskóla

Leikskólakennari óskast til starfa við leikskólann Barnaborg í Þingeyjarskóla í Aðaldal sem fyrst. Um er að ræða 80-100% starf.

Barnaborg er önnur tveggja leikskóladeilda í Þingeyjarskóla, sem er samrekinn leik- og grunnskóli með rúmlega 100 nemendur samtals. Nemendur Barnaborgar eru 23 á aldrinum 1 árs til 5 ára. Mikið og gott samstarf er á milli leik- og grunnskólans.

Um er að ræða spennandi starf fyrir metnaðarfullan starfsmann. Leitað er að einstaklingi með góða hæfni og lipurð í samskiptum, með góða þekkingu og reynslu af leikskólastarfi.  Umsóknarfrestur er til 7. febrúar 2025

Helstu verkefni og ábyrgð

• Að vinna að uppeldi og menntun leikskólabarna samkvæmt stefnu og skipulagi skólans undir stjórn yfirmanns.
• Vinna í nánu samstarfi við foreldra/forráðafólk nemenda.
• Taka þátt í samstarfi við ýmsar stofnanir og sérfræðinga sem tengjast leikskólanum í samráði við yfirmann.
• Sinna verkefnum er varðar uppeldi og menntun nemenda sem yfirmaður felur honum.

Menntunar- og hæfniskröfur

• Leikskólakennaramenntun, uppeldismenntun eða önnur menntun sem nýtist í starfi.
• Færni í samskiptum.
• Frumkvæði í starfi.
• Sjálfstæð og skipulögð vinnubrögð.
• Góð íslenskukunnátta
• Reynsla af starfi leikskólakennara er mikill kostur

Við leitum að starfsfólki sem

• Treystir sér í faglega og metnaðarfulla vinnu

• Hefur brennandi áhuga á að starfa með börnum
• Er lausnamiðað og vill taka þátt í samstarfi og teymisvinnu
• Hefur reynslu/menntun af uppeldis- og kennslustörfum með ungum börnum

Lögð er áhersla á samvinnu og sameiginlega ábyrgð starfsmanna á verkefnum skólans.  Gerðar eru kröfur um mikla hæfni í mannlegum samskiptum, stundvísi, hreint sakarvottorð og hafa náð þrepi C1 í íslensku.

Æskilegt er að viðkomandi geti hafið störf sem fyrst. Áhugasamir einstaklingar, án tillits til kyns, eru hvattir til að sækja um. Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Umsóknir skulu sendast á leikskólastjóra nanna@thingskoli.is. Með umsókn skal fylgja greinargóð ferilskrá, kynningarbréf og meðmælendur. Nánari upplýsingar um leikskólann er hægt að finna á https://www.thingeyjarskoli.is/

Frekari upplýsingar gefur leikskólastjóri, Nanna Marteinsdóttir, nanna@thingskoli.is og í síma 464-3590/ 898-0790