Styrkir íþrótta- og æskulýðsstarfs

Íþrótta-, tómstunda- og menningarnefnd Þingeyjarsveitar auglýsir eftir umsóknum um styrki vegna íþrótta- og æskulýðsstarfs á árinu 2024. Um er að ræða aukaúthlutun. Bæði einstaklingar og félagasamtök geta sótt um styrki og metur nefndin hvaða verkefni eru styrkhæf og hver ekki. Styrkþegar þurfa að hafa lögheimili í Þingeyjarsveit. Félagasamtök þurfa að skila inn ársreikningi liðins árs með umsókn. Þá ber öllum að skila inn til nefndarinnar greinargerð um framgang verkefnis og ráðstöfun styrkfjár innan árs frá styrkveitingu. Umsóknum skal skilað á heimasíðu Þingeyjarsveitar, smella hér. Umsóknir og fylgiskjöl skulu berast í síðasta lagi 28. nóvember n.k. Reglur um úthlutun styrkja má finna hér.

Ath. minnum styrkþega 2023 á að skila inn greinargerð um framgang verkefnis og ráðstöfun styrkfjár í viðhengi með umsókn ef greinargerð hefur ekki þegar borist nefndinni.

Íþrótta- tómstunda- og menningarnefnd Þingeyjarsveitar