Fjölskylduhátíð Þingeyjarsveitar

Sunnudaginn 16. júní er fjölskyldum boðið í listasmiðju í Skjólbrekku í umsjón Myrru leifsdóttur, verkefnastjóra hjá Þingeyjarsveit. „Við ætlum að skoða landvætti Íslands og búa til okkar eigin landvættafána og grímur“ segir Myrra sem er myndlistarmenntuð og hefur haldið fjöldan allan af vinnustofum og kennt bæði börnum og fullorðnum myndlist. Þeir listamenn sem mæta á 17. júní hátíðina á Laugum eru hvattir til að setja grímurnar upp þar í tilefni dagsins. Úr fánunum stendur til að föndra fánalengjur sem á að skreyta hátíðarsvæðið með. Aðgangur ókeypis og allir velkomnir meðan pláss leyfir og efnabyrgðir endast.

 

Þjóðhátíðardaginn sjálfan höldum við hátíðlegan saman á Laugum; 

 

11:00 Andlitsmálning - Börn geta fengið andlitsmálningu fyrir skrúðgönguna við Íþróttahúsið á Laugum.

12:00 Skrúðganga - Gengið frá íþróttahúsinu niður á íþróttavöllinn.

12:15 Hátíðardagskrá hefst á vellinum;

           Þingeyskir kórar syngja saman.

           Ávarp fjallkonunnar.

           Menningarverðlaun Þingeyjarsveitar 2024.

            Villi Vísindamaður tryllir lýðinn með spennandi tilraunum, glensi og gríni!

13:00 – 15:00 Skemmtidagskrá;

           Markaðstorg – Hægt að kaupa ljúffengar veitingar og afurðir frá

           sveitungum í sölutjaldinu.

           Listasmiðja – láttu ljós þitt skína og málaðu steina með Aðalbjörgu.

           Hestar – börnum er boðið á hestbak.

           Sápupartý – sápurennibraut og sápubolti.

           ATH! Hafa með aukaföt, sundföt og handklæði.

10:00-16:00 Sundlaugin opin og aðgangur ókeypis. Upplagt að skola af sér sápuna og enda daginn í sundi!