Skólasetning Þingeyjarskóla

Skólasetning Þingeyjarskóla verður með óhefðbundnum hætti að þessu sinni. Munum setja skólann með rafrænum hætti næstkomandi föstudag, með þeirri undantekningu að nemendur 1. bekkjar ásamt forráðamönnum þeirra koma í einstaklingsviðtöl/skólaboðun fimmtudag 20.08.20 og föstudag 21.08.20. Einnig eru nýir nemendur við skólann og forráðamenn þeirra boðaðir í viðtöl þessa daga. Skóli hefst síðan skv. stundaskrá mánudaginn 24. ágúst. Umsjónakennarar munu senda frekari upplýsingapóst á forráðamenn nemenda. Í ljósi aðstæðna og tilmæla yfirvalda vegan COVID-19 munum við reyna að takmarka sem mest gestakomur inn í skólann. Þurfi foreldrar/forráðamenn að koma í skólann eru þeir vinsamlegast beðnir um að gera boð á undan sér og fara eftir þeim umgengnisreglum sem gilda um sóttvarnir almennt. Reynum að notast sem mest við fjarskiptatækin okkar til að vera í sambandi.

Með von um ánægjulegt samstarf á komandi skólaári.

Skólastjóri Þingeyjarskóla