VERKEFNASTJÓRI
Þingeyjarsveit auglýsir laust til umsóknar starf verkefnastjóra hjá Þingeyjarsveit. Um er að ræða 100% starf sem er fjölbreytt og áhugavert og leitað er að öflugum einstaklingi sem sýnir metnað og frumkvæði í starfi. Æskilegt að viðkomandi geti hafið störf sem fyrst eftir næstu áramót. Húsnæði í boði á staðnum.
Lýsing á starfinu:
Verkefnastjóri hefur umsjón með ýmsum verkefnum og framkvæmdum á vegum sveitarfélagsins sem sveitarstjóri felur honum hverju sinni, sér um skipulagningu, kostnaðar- og verkáætlanir fyrir framkvæmdir og gerir tillögur að fjárhagsáætlun í samráði við sveitarstjóra.
Dæmi um verkefni:
- Nýframkvæmdir
- Viðhaldsframkvæmdir
- Nýsköpun
- Kynningar- og upplýsingarmál
Menntunar og hæfniskröfur:
- Háskólamenntun og/eða meistarapróf sem nýtist í starfi
- Góð tölvukunnátta skilyrði
- Æskilegt að viðkomandi hafi reynslu af sambærilegum störfum
- Þekking á opinberri stjórnsýslu er kostur
- Samskipta- og samstarfshæfni
- Frumkvæði og metnaður
Launakjör eru samkvæmt kjarasamningi Launanefndar Sambands íslenskra sveitarfélaga og viðkomandi stéttarfélag.
Umsóknarfrestur er til og með 15. desember 2019.
Nánari upplýsingar um starfið veitir Dagbjört Jónsdóttir sveitarstjóri í síma 464 3322/862 0025
Umsókn um starfið þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfi. Afrit af prófskírteini skal fylgja með umsókn.
Umsókn ásamt fylgiskjölum skal skilað á netfangið dagbjort@thingeyjarsveit.is
Öllum umsóknum verður svarað þegar ákvörðun um ráðningu liggur fyrir.
Þingeyjarsveit
