Atvinnu- og nýsköpunarnefnd Þingeyjarsveit
Dagskrá
1.Verkefnastjóri SSNE og Þingeyjarsveitar
Málsnúmer 2409046Vakta málsnúmer
Til fundarins kom Arnheiður Rán Almarsdóttir verkefnastjóri SSNE og Þingeyjarsveitar.
Atvinnu- og nýsköpunarnefnd býður Arnheiði Rán velkomna til starfa og hlakkar til samstarfsins.
2.Refa- og minkaveiði - fyrirkomulag
Málsnúmer 2309084Vakta málsnúmer
Ingimar Ingimarsson sviðsstjóri umhverfis- og framkvæmdasviðs kom til fundar og fór yfir stöðu á samningum við refa og minkaveiðimenn og ráðningu starfsmanna á þau svæði sem ekki var sótt um.
Atvinnu- og nýsköpunarnefnd þakkar Ingimar upplýsingar um stöðuna varðandi samninga við refa- og minkaveiðimenn. Atvinnu- og nýsköpunarnefnd óskar eftir að verða upplýst um niðurstöðu þeirrar vinnu.
3.Fjallskiladeildir 2022-2026
Málsnúmer 2502018Vakta málsnúmer
Lögð fram drög að breytingu á erindisbréfi fjallskilanefnda í Þingeyjarsveit.
Atvinnu- og nýsköpunarnefnd samþykkir fyrirliggjandi drög að breytingum á erindisbréfi fjallskilastjóra og vísar þeim til sveitarstjórnar.
4.Isavia - innanlandsflugvellir - kynning
Málsnúmer 2502020Vakta málsnúmer
Til fundar kom Sigrún Björk Jakobsdóttir framkvæmdastjóri Isavia innanlandsflugvalla.
Atvinnu- og nýsköpunarnefnd þakkar Sigrúnu Björk fyrir greinargóða kynningu. Nefndin fagnar auknu millilandaflugi um Akureyrarflugvöll enda skiptir það sköpum fyrir atvinnulíf á svæðinu. Nefndin lýsir miklum áhyggjum yfir því ástandi sem skapast hefur á Reykjavíkurflugvelli vegna lokunar flugbrautar 13/31 sem skerðir mjög notkunarmöguleika hvort heldur sem er til áætlunarflugs eða sjúkraflugs. Nefndin skorar á þá aðila sem að málinu koma að gera tafarlaust þær úrbætur sem þarf til að öryggi landsmanna sé tryggt.
5.Fjallskiladeildir 2022-2026
Málsnúmer 2502018Vakta málsnúmer
Lögð fram til kynningar fundargerð af fundi formanns atvinnu- og nýsköpunarnefndar og sveitarstjóra með formönnum fjallskilastjórna í Þingeyjarsveit.
Fundi slitið - kl. 12:15.