Fræðslu- og velferðarnefnd Þingeyjarsveit

Fræðslu- og velferðarnefnd leggur til við sveitarstjórn að leikskólum Þingeyjarsveitar verði framvegis lokað í jólafríi og dymbilviku, alls 6-7 dagar. Þar að auki verði á skóladagatölum leikskóla 5-6 dagar þar sem foreldrar þurfa að skrá mætingu barna. Þeir foreldrar sem velja að hafa börn sín heima á skráningardögum fái niðurfelld leikskólagjöld í desember.

Mennta- og barnamálaráðherra hefur kynnt til umsagnar í Samráðsgátt stjórnvalda drög að stefnu um farsæld barna til ársins 2035. Um er að ræða fyrstu heildarstefnu íslenskra stjórnvalda um málefni barna.
Fræðslu- og velferðarnefnd tekur heilshugar undir umsögn Sambands íslenskra sveitarfélaga um stefnudrögin um farsæld barna til ársins 2035.

Hjördís Albertsdóttir skólastjóri Reykjahlíðarskóla fór yfir skólastarfið það sem af er vetri.

Lífið gengur sinn vanagang í Reykjahlíðarskóla. Sameiginleg skíðaferð Reykjahlíðar- og Þingeyjarskóla var farin í byrjun apríl. Reykjahlíðarskóli tekur í fyrsta skipti þátt í Erasmus verkefni sem snýr að jarðfræði og tengslum milli náttúruvár og loftslagsbreytinga. Þátttökulöndin eru Ísland (eldgos), Pólland (flóð), Rúmenía (skógareldar) og Tyrkland (jarðskjálftar). Í febrúar komu kennarar og skólastjórnendur frá þátttökulöndunum til okkar í Reykjahlíðarskóla en það vildi svo til að loka þurfti skólanum einn af þeim 4 dögum sem þau voru hérna, vegna rauðrar veðurviðvörunar á landinu öllu. Áætluð er Póllandsferð um miðjan maí með 6 nemendur.

Starfsfólk Reykjahlíðarskóla er farið að huga að næsta vetri en umræða hefur verið um það hvort eigi að leggja upp með spannir í gegnum skólaárið. Það þýðir að einni önn er t.d. skipt upp í 3 spannir þar sem námsgreinar eru kenndar í lotum og þá er meiri áhersla lög á tvær til þrjár námsgreinar á einni spönn og aðrar námsgreinar á þeirri næstu. Nú þegar erum við með 6 þemu yfir veturinn, 3 á önn, u.þ.b. 5-6 vikur í senn, og langar okkur að taka þemun fastari tökum með þessum hætti.

Nefndin þakkar Hjördísi greinargóða kynningu.

Helga Sigurbjörg Gunnarsdóttir, verkefnastjóri skólaþjónustu Þingeyjarsveitar kynnir starfsemi skólaþjónustunnar.

Fræðslu- og velferðarnefnd þakkar kynninguna og lýsir mikilli ánægju með starf skólaþjónustunnar.

Sviðsstjóri fjölskyldusviðs sagði frá skipulagi sameiginlegra starfsdaga leik-, grunn- og tónlistarskóla Þingeyjarsveitar sem fram fóru 3. og 4 apríl sl.
Fyrri daginn var sameiginleg dagskrá í Stórutjarnaskóla.
Seinni daginn fór allt starfsfólk í heimsóknir í skóla og leikskóla á Akureyri og í Eyjafjarðarsveit. Tónlistarkennarar heimsóttu Tónlistarskóla Eyjafjarðar.

Fræðslu- og velferðarnefnd þakkar fyrir kynninguna. Nefndin lýsir yfir mikilli ánægju með þessa samvinnu skólanna og hvetur eindregið til áframhaldandi samvinnu.