Byggðarráð

Byggðarráð þakkar Ingimari fyrir greinargóða yfirferð yfir viðamikla framkvæmdaáætlun sveitarfélagsins. Byggðarráð óskar eftir að sviðsstjóri komi reglulega til fundar og upplýsi byggðarráð um stöðu framkvæmda.

Eyþór Kári lagði fram eftirfarandi bókun:
Ég tel að yfirferð eins og þessi eigi erindi við alla sveitarstjórn, þar sem allir kjörnir fulltrúar eru upplýstir og geta spurt um gang mála milliliðalaust.

Byggðarráð telur mikilvægt að sveitarfélagið hafi aðstöðu í Reykjahlíð. Byggðarráð leggur til við sveitarstjórn að farið verði í nauðsynlegar framkvæmdir svo hægt sé að nýta húsnæðið í þágu sveitarfélagsins. Byggðarráð felur sveitarstjóra og sviðsstjóra fjármála- og stjórnsýslusviðs að undirbúa framlagningu viðauka.

Byggðarráð felur sveitarstjóra og sviðsstjóra fjármála- og stjórnsýslusviðs að vinna reglurnar áfram í samræmi við umræður á fundinum og leggja fyrir sveitarstjórn.

Byggðarráð getur ekki orðið við erindinu að þessu sinni.

Byggðarráð leggur til sveitarstjórn að snyrtingarnar við Höfða verði opnaðar yfir Vetrarhátíð og eftir því sem aðstæður leyfa. Byggðarráð leggur til við sveitarstjórn að heilsársopnun snyrtinganna verði sett á fjárhagsáætlun 2026. Áætlaður kostnaður við heilsársopnun er 5,4 milljónir þar af 2,4 vegna vetraropnunar.

Unnið var í drögum að húsnæðisáætlun og vísar byggðarráð áætluninni með áorðnum breytingum til sveitarstjórnar.

Byggðarráð felur sveitarstjóra og formanni byggðarráðs að leggja inn umsögn um áform um breytingar á tollalögum.

Byggðarráð getur ekki orðið við erindinu að þessu sinni en hvetur til námskeiðahalds á landsbyggðinni með mögulegri aðkomu sveitarfélagsins.

Byggðarráð frestar afgreiðslu málsins.