17. fundur

1.

Samtök um verndun í og við Skjálfanda - ósk um fund - 2312028

Til fundar komu Huld Hafliðadóttir og Eva Björk Káradóttir fyrir hönd Samtaka um verndun í og við Skjálfanda og kynntu verkefni sem samtökin vinna að með ósk um stuðning og aðkomu Þingeyjarsveitar á síðari stigum.

Byggðarráð þakkar Huld og Evu Björk fyrir komuna á fundinn og kynninguna á starfsemi SVÍVS. Byggðaráð leggur til við sveitarstjórn að taka þátt í áframhaldandi vinnu á síðari stigum og leggja til stuðning með því að upplýsa íbúa um verkefnið og framvindu, auk þess sem fulltrúi Þingeyjarsveitar taki þátt í verkefninu.

Samþykkt

2.

Seigla - 2308010

Valþór Brynjarsson kom til fundar og fór yfir niðurstöður útboðs á innan- og utanhúss frágangi á nýju stjórnsýsluhúsi í Þingeyjarsveit.

Tvö tilboð bárust:
Byggingarfélagið Stafninn ehf. kr. 167.900.000.-
Trésmiðjan Sólbakki ehf. kr. 147.581.275.
Kostnaðaráætlun var kr. 140.322.061.-
Valþór fór yfir tilboðin og þær spurningar er vörðuðu fyrirliggjandi tilboð.
Byggðarráð leggur til við sveitarstjórn að gengið verði til samninga við Trésmiðjuna Sólbakka ehf. á grundvelli fyrirliggjandi tilboðs.

Samþykkt

3.

Sólseturskórinn - styrktarbeiðni - 2401086

Fyrir byggðarráði liggur beiðni frá Sólseturskórnum á Húsavík um fjárstuðning vegna félagsstarfs.

Byggðarráð getur ekki orðið við beiðninni að þessu sinni en bendir á að hægt er að sækja um menningarstyrki hjá íþrótta-, tómstunda- og menningarmálanefnd sem auglýstir eru tvisvar á ári í mars og október.

Samþykkt

4.

Beiðni um afnot af félagsheimilum - 2401091

Úlla Árdal fyrir hönd Mývatnsstofu óskar eftir endurgjaldslausum afnotum af félagsheimilum sveitarfélagsins vegna viðburða sem Mývatnsstofa hefur yfir árið s.s. Vetrarhátíð, Mývatnsmaraþon og Jólasveinahátíðina. Mývatnsstofa hefur leyfi frá heilbrigðiseftirlitinu til að halda markaði í Skjólbrekku, Breiðumýri, Ýdölum og Ljósvetningabúð.

Úlla Árdal kom inn á fundinn undir þessum lið og fór yfir hugmyndir Mývatnsstofu um nýtingu félagsheimila sveitarfélagsins.
Byggðarráð þakkar Úllu fyrir greinargóða yfirferð og felur sveitarstjóra og framkvæmdastjóra Mývatnsstofu að vinna málið áfram í samræmi við umræður á fundinum.

Samþykkt

5.

Beiðni um lausn frá störfum - 2401105

Lagt fram bréf frá Baldri Daníelssyni þar sem hann óskar eftir að verða leystur undan skyldum sínum gagnvart félögunum Matarskemmunni ehf. og Kjarna ehf.

Byggðaráð felur sveitarstjóra að vinna að því að málefnum félaganna verði komið í farveg. Baldri eru þökkuð góð störf á vettvangi félaganna undanfarin ár.

Samþykkt

6.

Skilgreining á opinberri grunnþjónustu - umsögn - 2402015

Í samráðsgátt stjórnvalda liggur til umsagnar mál nr. S-238/203 Skilgreining á opinberri grunnþjónustu með umsagnarfresti til 7. febrúar nk.

Formaður byggðarráðs og sveitarstjóri sendu inn umsögn í samráðsgátt stjórnvalda að höfðu samráði við byggðarráð í tölvupósti. Byggðarráð staðfestir fyrirliggjandi umsögn.

Samþykkt

7.

Stjórn Lánasjóðs sveitarfélaga - framboð - 2402002

Fyrir byggðarráði liggur bréf frá Lánasjóði sveitarfélaga þar sem auglýst er eftir framboðum til stjórnar Lánasjóðs sveitarfélaga. Framboðum skal skila í síðasta lagi kl. 12 á hádegi 21. febrúar.

Lagt fram

8.

Trúnaðarmál - 2402014

Trúnaðarmál fært í trúnaðarbók.

9.

Reglugerð um sjálfbæra landnýtingu - mál nr. 3/2024 - 2401102

Lagt fram bréf frá matvælaráðuneytinu þar sem kynnt er til samráðs mál nr. 3/2024 - Reglugerð um sjálfbæra landnýtingun og er Þingeyjarsveit boðið að taka þátt. Boðið er sent til hagsmunaaðila en öllum er frjálst að taka þátt í samráðinu.

Umsagnarfrestur er til og með 20.02.2024.

Byggðarráð felur sveitarstjóra að kalla eftir ábendingum frá fjallskilastjórum og felur sveitarstjóra og formanni byggðarráðs að vinna umsögn um málið.

Samþykkt

10.

Miðstöð héraðsskjalasafna um rafræna skjalavörslu - 2402003

Fyrir byggðarráði liggur bréf frá Héraðsskjalasafni Austfirðinga þar sem boðað er til stofnfundar Miðstöðvar héraðsskjalasafna um rafræna skjalavörslu sem halda á föstudaginn 9. febrúar nk. Bréfið er sent á öll héraðsskjalasöfn í landinu og sveitarfélögin sem að þeim standa.

Kynnt