12. fundur

Dagskrá:

 

1. Refa- og minkaveiði - fyrirkomulag - 2309084

Lagt fram minnisblað sviðsstjóra umhverfis-og framkvæmdasviðs um fyrirkomulag veiða á ref og mink í Þingeyjarsveit.

Atvinnu- og nýsköpunarnefnd leggur til við sveitarstjórn að áfram verði unnið að tillögu eitt samkvæmt minnisblaði sviðsstjóra. Auglýst verði eftir veiðimönnum til þriggja ára í senn. Sviðsstjóra umhverfis- og framkvæmdasviðs er falið að leggja fram endurskoðaðar reglur um refa- og minkaveiði og láta hnitsetja veiðisvæði.

Samþykkt

 

2. Snjómokstur í Þingeyjarsveit - 2404007

Lagt fram minnisblað frá sviðsstjóra umhverfis- og framkvæmdasviðs.

Atvinnu- og nýsköpunarnefnd leggur til við sveitarstjórn að farin verði umsóknarleið nr. 4 (umsóknum skipt niður á svæði) þ.e. að auglýst verði eftir snjómoksturmönnum á föstum töxtum og gerðir verði samningar til þriggja ára í senn.

Sviðsstjóra falið að vinna áfram reglur um snjómokstur í sveitarfélaginu og leggja fyrir næsta fund nefndarinnar.

Samþykkt

 

3. Starfsáætlun atvinnu- og nýsköpunarnefndar 2024-2025 - 2406015

Atvinnu- og nýsköpunarnefnd leggur fram drög að starfsáætlun frá ágúst 2024-júní 2025.

Sveitarstjóra falið að vinna málið áfram samkvæmt umræðum á fundinum.

Samþykkt

 

4. Regluverk um búfjárbeit - sjónarmið matvælaráðuneytis - 2403015

Lögð fram til kynningar sjónarmið matvælaráðuneytis um regluverk um búfjárbeit.

Lagt fram

 

5. Áfangastaðaáætlun 2024 - 2406033

Lagt fram bréf frá Markaðsstofu Norðurlands þar sem óskað er eftir því við Þingeyjarsveit að uppfæra lista yfir forgangsverkefni á áfangastaðaáætlun.

Uppfærðum lista þarf að skila fyrir 1. september nk.

 

Farið var yfir hugmyndir að verkefnum inn á áfangastaðaáætlun og verður vinnunni fram haldið á fundi nefndarinnar í ágúst.

Atvinnu- og nýsköpunarnefnd felur sviðsstjóra umhverfis- og framkvæmdasviðs að auglýsa eftir tillögum að verkefnum á heimasíðu sveitarfélagsins.

Samþykkt

 

6. Végeirsstaðaskógur - áfagastaðaáætlun - 2406043

Lagt fram bréf frá Trausta Þorsteinssyni f.h. Végeirsstaðasjóðs þar sem hann óskar eftir að Végeirsstaðaskógur verði settur inn á áfangastaðaáætlun Þingeyjarsveitar.

Atvinnu- og nýsköpunarnefnd tekur jákvætt í erindið en kallar eftir nánari upplýsingum um útfærslu verkefnisins.

Samþykkt

 

 

 

 

Fundi slitið kl. 12

 

 

Fyrirvari:

Athugið að afgreiðslur nefnda þarfnast almennt staðfestingar sveitarstjórnar, nema í þeim tilfellum þar sem nefnd hefur verið veitt heimild til fullnaðarafgreiðslu mála í samþykktum sveitarfélagsins