7. fundur

1.

Glatvarmi í Þingeyjarsveit - 2305001

Atvinnu- og nýsköpunarnefnd hefur áhuga á að kanna möguleika á nýtingu glatvarma innan sveitarfélagsins. Nefndin hefur áhuga á að fá kynningu á starfsemi Eims á næsta fund. Eimur er þjóunar- og nýsköpunardeild á sviði sjálfbærni, grænnar orku og bættrar auðlindanýtingar. Eimur hefur unnið að innviðagreiningu á Norðurlandi Eystra þar sem markmið Eims er að korleggja og markaðssetja orkuauðlindir á starfssvæðinu með áherslu á fjölþætta nýtingu hliðarstrauma þeirra.

Atvinnu- og nýsköpunarnefnd felur formanni að boða fulltrúa Eims á næsta fund nefndarinnar til að kynna þau verkefni sem Eimur vinnur að varðandi glatvarama og tækifæri sem liggja í nýtingu glatvarma í sveitarfélaginu.

Lagt fram

2.

Endurskoðun fjallskilasamþykktar - 2211004

Lögð fram drög að fjallskilasamþykkt fyrir svæðið austan Vaðlaheiðar að mörkum Langanesbyggðar og Vopnafjarðahrepps.

Atvinnu- og nýsköpunarnefnd samþykkir fyrir sitt leyti fyrirliggjandi drög að fjallskilareglugerð og vísar þeim til sveitarstjórnar.

Nefndin leggur til að fundað verði með fjallskilastjórum í haust þar sem farið verður yfir fjallskilamál.

Samþykkt

Úlla Árdal kom til fundar 10:20

3.

Erindisbréf fjallskilastjóra Þingeyjarsveitar - 2305005

Lögð fram drög að erindisbréfi fjallskilastjóra Þingeyjarsveitar.

Atvinnu- og nýsköpunarnefnd samþykkir fyrir sitt leyti fyrirliggjandi drög og vísar þeim til sveitarstjórnar.

Samþykkt

4.

Samstarfsverkefni - 2305010

Arctic Challenge leitar til sveitarfélagsins vegna mögulegs samstarfs um matarmenningarviðburð í Þingeyjarsveit þar sem unnið verður úr matvælum úr héraði. Arctic Challenge eru félagasamtök sem hafa það að markmiði að efla hugvit og ástríðu veitingamanna á Norðurlandi.

Um er að ræða þriggja daga viðburð þar sem keppendur sem unnu Arctic chef og Arctic mixologist keppina matreiða úr hráefni úr héraði. Til þess að geta staðið að viðburðinum leitar Arctic challenge eftir samstarfi við Þingeyjarsveit og húnsæði til að halda viðburðinn í.

Atvinnu- og nýsköpunarnefnd tekur jákvætt í erindi Artcic Challenge um matarmenningarviðburð í Þingeyjarsveit. Atvinnu- og nýsköpunarnefnd beinir erindinu til sveitarstjórnar. Nefndin telur að viðburður sem þessi sé góð kynning á hráefni úr Þingeyjarsveit. Artcic Challenge óskar eftir húsnæði til að halda viðburðinn í og telur nefndin Ýdali geta hentað í slíkan viðburð.
Ef af samstarfi verður leggur nefndin það til að Mývatnsstofa verði fengin til að koma að verkefninu með kynningu og markaðssetningu. Atvinnu- og nýsköpunarnefnd telur mikilvægt að tilnefndur verði tengiliður vegna verkefnisins verði tekin ákvörðun um samstarf.

Samþykkt