15. fundur

Ingimar Ingimarsson kom til fundar og fór yfir drög að sorpsamþykkt fyrir Þingeyjarsveit.

1.

Samþykkt um meðhöndlun úrgangs í Þingeyjarsveit - 2310028

Á 37. fundi sveitarstjórnar Þingeyjarsveitar þann 14. desember sl. var drögum að samþykkt um meðhöndlun úrgangs í Þingeyjarsveit vísað til frekari vinnslu í byggðarráði.

Byggðarráð þakkar sviðsstjóra umhverfis- og framkvæmdasviðs fyrir greinargóða yfirferð. Byggðarráð felur sviðsstjóra að uppfæra samþykktina í samræmi við umræður á fundinum og leggja hana fyrir næsta byggðarráðsfund 18. janúar nk.

2.

Framlagning viðauka - reglur - 2312047

Lögð fram drög að reglum um framlagningu viðauka hjá sveitarstjórn Þingeyjarsveitar.

Byggðarráð samþykkir fyrir sitt leyti drög að reglum um framlagningu viðauka með áorðnum breytingum og vísar þeim til sveitarstjórnar.

Samþykkt

3.

Þingeyjarskóli - breyting á skipuriti - 2311074

Lagt fram minnisblað sviðsstjóra fjölskyldusviðs um tillögu að breytingu á fyrirkomulagi stjórnunar í Þingeyjarskóla.

Byggðarráð vísar tillögu um breytingu á fyrirkomulagi stjórnunar í Þingeyjarskóla til fræðslu- og velferðarnefndar til umfjöllunar.

Samþykkt

4.

Félagsheimili Þingeyjarsveitar - 2312032

Lögð fram greinargerð um félagsheimili Þingeyjarsveitar sem unnin var af formanni atvinnu- og nýsköpunarnefndar og íþrótta-,æskulýðs- og menningarnefndar.

Byggðarráð þakkar formönnum atvinnu- og nýsköpunarnefndar og íþrótta-, tómstunda og menningarnefndar fyrir minnisblað um félagsheimili.
Áður en til frekari vinnu kemur felur byggðarráð sveitarstjóra og sviðsstjóra fjármála- og stjórnsýslusviðs að greina kostnað við rekstur félagsheimilanna sem og eignarhald og leggja fyrir byggðarráð.

Samþykkt

5.

Brunavarnir Þingeyjarsveitar - úttekt - 2312039

Lögð fram tilboð í úttekt á Brunavörnum Þingeyjarsveitar.

Tilboð bárust frá KPMG og HLH ráðgjöf. Byggðarráð leggur til við sveitarstjórn að gengið verði til samninga við HLH ráðgjöf um verkefnið.

Samþykkt

6.

Umsókn um rekstrarstyrk - Kvennaathvarfið - 2312036

Lagt fram bréf frá SSNE fh. Kvennaathvarfsins þar sem óskað er eftir aðkomu sveitarfélagsins að rekstri Kvennaathvarfs á Akureyri ásamt öðrum sveitarfélögum á Norðurlandi eystra. Óskað er eftir styrk að upphæð 129.004 kr.

Byggðarráð leggur til sveitarstjórn að styrkbeiðnin verði samþykkt.

Samþykkt

7.

Frumvarp til laga um lagareldi - umsögn - 2312044

Lagt fram bréf frá SSNE þar sem vakin er athygli sveitarstjórna á Norðurlandi eystra á frumvarpi til laga um lagareldi sem er til umsagnar í Samráðsgátt stjórnvalda. Í frumvarpsdrögunum er komið inn á ýmsa þætti er snerta lagareldi í sjá og á landi þar á meðal ákvörðunum um að friða Eyjafjörð og Öxarfjörð fyrir fiskeldi.

Byggðarráð felur formanni og sveitarstjóra að gera drög að umsögn um frumvarp til laga um lagareldi og leita staðfestingar sveitarstjórnar.

8.

Rannsókn á ferðamálum á virkjanasvæði við Þeistareyki - 2312037

Lögð fram til kynningar rannsókn á ferðamálum á virkjanasvæði við Þeistareyki.

Lagt fram

9.

Rotþróalosanir - árskýrsla Verkval - 2312043

Lögð fram til kynningar ársskýrsla Verkvals um rotþrær og svartvatnstank í Þingeyjarsveit.

Byggðarráð þakkar fyrir greinargóða ársskýrslu.

Lagt fram

10.

Mýsköpun - fréttir af starfsemi - 2312049

Lagt fram til kynningar bréf frá Mýsköpun þar sem koma fram helstu fréttir af starfseminni og því sem fram undan er.

Lagt fram