24. fundur

Dagskrá:

 

1. Byggðarráð - 2305033

Lagt fram til kynningar erindisbréf byggðarráðs.

Formaður bauð nýjan byggðarráðsfulltrúa velkomin til starfa á nýju starfsári byggðarráðs.

Lagt fram

 

2. Garðsveita - fyrirkomulag - 2406054

Sigurður Hálfdánarson kom til fundar við sveitarstjóra og sviðsstjóra umhverfis- og framkvæmdasviðs vegna fyrirkomulags um rekstur á Garðsveitu. Rekstrarform Garðsveitu hefur verið óformlegt fram til þessa og óskaði Sigurður eftir aðkomu sveitarfélagsins að utanumhaldi um reksturinn. Allnokkrar framkvæmdir eru fyrirhugaðar við veituna og fór Sigurður yfir þær á fundinum.

Byggðarráð tekur jákvætt í erindið og felur sveitarstjóra, sviðsstjóra umhverfis- og framkvæmdasviðs og lögfræðingi sveitarfélagsins að skoða hvernig rekstri á kaldavatnsveitunni Garðsveitu verði best fyrirkomið innan sveitarfélagsins og kynna fyrir eigendum veitunnar.

Samþykkt

 

3. Reykjahlíðarþorp - áhættumat vegna jarðhræringa - 2405001

Lagt fram minnisblað frá Ármanni Höskuldssyni um gerð áhættumats varðandi mögulega náttúruvá af völdum eldgosa og jarðhræringa í sveitarfélaginu.

Byggðarráð telur mikilvægt að kannaðir verði til hlýtar landnotkunarmöguleikar í Reykjahlíðaþorpi og nærumhverfi í samstarfi við landeigendur og hagaðila.

 

Byggðarráð felur formanni skipulagsnefndar og sveitarstjóra að vinna málið áfram og leita eftir samstarfi við Almannavarnir og aðra hagaðila um verkefnið.

Samþykkt

 

4. Stórutjarnaskóli - leikskóli hönnunartillögur - 2404058

Á 22. fundi byggðarráðs þann 6. júní sl. var sveitarstjóra, sviðsstjóra og byggingarfulltrúa falið að kalla eftir sjónarmiðum hagaðila í Stórutjarnaskóla á tveim tillögum að hönnun leikskóla í Stjórutjarnaskóla.

Fyrir byggðarráði liggur bréf frá skólastjóra og deildarstjórum leikskóladeildar.

Byggðaráð fór yfir sjónarmið stjórnenda Tjarnaskjóls ásamt því að fara yfir tillögur A og D að nýju. Byggðarráð telur að tillögur A og D þurfi frekari rýni varðandi starfsmannaaðstöðu og aðkomu. Byggðarráð felur sveitarstjóra að boða til fundar vegna málsins.

Samþykkt

 

5. Mývatn ehf. - beiðni um umsögn vegna umsóknar um leyfi til sölu áfengis á framleiðslustað - 2406056

Fyrir byggðarráði liggur til umsagnar erindi frá embætti Sýslumannsins á Suðurlandi vegna umsóknar Mývatns ehf. kt. 520491-1399 um leyfi til sölu áfengis á framleiðslustað að Skútustöðum 2C fnr. 221-5421. Um er að ræða umsókn um leyfi til að selja áfengi sem er að rúmmáli minna en 12% af hreinum vínanda.

Byggðarráð gerir ekki athugasemd við umbeðið leyfi.

Samþykkt

 

6. Beiðni um umsögn um umsókn um nýtingarleyfi á jarðhita á Þeistareykjum - 2406057

Fyrir byggðarráði liggur umsagnarbeiðni um umsókn Landsvirkjunar um leyfi til aukinnar nýtingar á jarðhita á Þeistareykjum í Þingeyjarsveit.

Byggðarráð tekur jákvætt í erindið og felur sveitarstjóra að leita álits hjá löfræðingi sveitarfélagsins og gera drög að umsögn í samráði við sveitarstjóra og byggðarráð.

 

 

 

Samþykkt

 

7. Samband íslenskra sveitarfélaga - Fundargerðir - 2306029

Lagðar fram til kynningar fundargerðir 949. og 950. fundar Sambands íslenskra sveitarfélaga frá 13. og 21. júní sl.

Kynnt

 

 

 

 

Fundi slitið kl. 11:00.

 

 

Fyrirvari:

Athugið að afgreiðslur nefnda þarfnast almennt staðfestingar sveitarstjórnar, nema í þeim tilfellum þar sem nefnd hefur verið veitt heimild til fullnaðarafgreiðslu mála í samþykktum sveitarfélagsins.