33. fundur

1.

Pólarhestar ehf. - Vegna gistingar að Breiðumýri - 2412018

Lagt fram bréf frá Stefáni Kristjánssyni f.h. Pólarhesta þar sem óskað er eftir því við sveitarstjórn að endurskoða ákvörðun um breytingu á leigu á Breiðumýri þar sem þegar er búið að selja í ferðir fyrirtækisins í sumar.

Byggðarráð felur sviðsstjóra fjármála- og stjórnsýslusviðs að ræða við bréfritara og umsjónarmenn Breiðumýrar varðandi úrlausn málsins.

Samþykkt

2.

Foreldrafélag Barnaborgar - Ýdalir, beiðni um aðstöðu til að hafa fjölskyldumorgna - 2412031

Foreldrafélag Barnaborgar hefur hug á að bjóða foreldrum og börnum mánaðarlega í fjölskyldumorgna í Ýdölum. Beðið er um afnot af salnum.

Byggðarráð telur jákvætt að stuðlað sé að hreyfingu allra aldurshópa og er það í anda Heilsueflandi samfélags. Byggðarráð samþykkir að beiðni foreldrafélags Barnaborgar falli undir stakan æfingatíma í gjaldskrá Ýdala.

3.

Boð á rafrænt aukaþing SSNE - 2412032

Lagt fram til kynningar bréf frá framkvæmdastjóra SSNE þar sem boðað er til rafræns aukaþings á Teams þann 7. janúar nk. Vakin er athygli á því á þingið er öllum opið.

Fulltrúar Þingeyjarsveitar á þingi SSNE eru Gerður Sigtryggsdóttir, Knútur Emil Jónasson og Jóna Björg Hlöðversdóttir.

Lagt fram

4.

Brák hses - Boð á ársfund - 2412035

Lagt fram boð á ársfund Brákar íbúðafélags hses sem haldinn verður 15. janúar nk. á Teams.

Byggðarráð felur sveitarstjóra að sitja fundinn fyrir hönd Þingeyjarsveitar.

5.

Beiðni um tilnefningar í svæðisráð vestursvæðis í Vatnajökulsþjóðgarði 2025-2029 - 2412038

Með lögum um Náttúruverndarstofnun, nr. 111/2024 sem samþykkt voru á Alþingi 23. júní sl. og taka gildi 1. janúar nk. verður Vatnajökulsþjóðgarður hluti af Náttúruverndarstofnun.

Með nýjum lögum um Náttúruverndarstofnun taka m.a. gildi breytingar á lögum nr. 60/2007 um Vatnajökulsþjóðgarð hvað varðar skipan stjórnar þjóðgarðsins og skal umhverfis-, orku- og loftslagsráðherra nú skipa svæðisstjórn Vatnajökulsþjóðgarðs.
Vegna ofangreindra lagabreytinga verða svæðisráð endurskipuð til fjögurra ára eftir gildistöku laganna 1. janúar nk. Er þess hér með óskað að Þingeyjarsveit tilnefni einn aðalfulltrúa og einn varafulltrúa eða staðfesti setu núverandi fulltrúa í svæðisráði vestursvæðis í Vatnajökulsþjóðgarði. Er þess óskað að staðfestingar eða nýjar tilnefningar berist ráðuneytinu eins fljótt og við verður komið og ekki síðar en 10. janúar nk.

Byggðarráð leggur til að skipan verði óbreytt og Þorlákur Páll Jónsson verði aðalmaður og Anna Bragadóttir varamaður.

6.

Reglur um birtingu skjala á vef Þingeyjarsveitar - 2501002

Lögð fram drög að reglum um birtingu skjala á vef Þingeyjarsveitar.

Byggðarráð samþykkir fyrir sitt leyti framlögð drög með áorðnum breytingum og vísar þeim til sveitarstjórnar.

7.

Skýrsla yfirkjörstjórnar vegna alþingiskosninga 2024 - 2501003

Lögð fram skýrsla skýrsla yfirkjörstjórnar vegna alþingiskosninga 30. nóvember sl.

Byggðarráð þakkar yfirkjörstjórn greinargóða skýrslu og gagnlegar ábendingar. Byggðarráð leggur til við sveitarstjórn að unnin verði tillaga að framtíðarfyrirkomulagi kosninga í Þingeyjarsveit.

Eyþór Kári lagði fram eftirfarandi bókun:
Ég tek heilshugar undir athugasemdir yfirkjörstjórnar enda hafði ég gert athugasemdir við þessi atriði fyrir kosningar. Kostnaður og óvissa fylgdi því að skipta sveitarfélaginu í tvær kjördeildir, einnig lagði ég til að kosið yrði í Reykjahlíðarskóla.
Ég tel að næst þegar kosið verður skuli sveitarfélagið vera ein kjördeild með einn kjörstað í Þinghúsinu á Breiðumýri.

Samþykkt

8.

Auglýsing um skrá yfir störf undanþegin verkfallsheimild - 2501001

Fyrir byggðarráði liggur til staðfestingar listi sveitarfélagsins yfir störf sem undanþegin eru verkfallsheimild.

Byggðarráð samþykkir fyrirliggjandi lista og vísar honum til staðfestingar sveitarstjórnar.

9.

Mývetningur - endurnýjun snjótroðara - 2501004

Lagt fram bréf frá stjórn Mývetnings þar sem óskað er eftir aðkomu sveitarfélgsins að endurnýjun snjótroðara fyrir skíðasvæðið við Kröflu.

Byggðarráð þakkar erindið og elju Mývetnings í að reka skíðasvæði við Kröflu og telur byggðarráð mikilvægt að tryggt verði að svo sé áfram og felur sveitarstjóra að ræða við stjórn Mývetnings.

Samþykkt

10.

Heitloftsþurrkun fiskafurða á Laugum - 2409044

Frestað

11.

Ábending - Vegamót við Laxárbrú - 2501012

Lagt fram bréf frá Huldu Maríu Þorkelsdóttur f.h. Slysavarnardeildarinnar Hringsins þar sem lýst er yfir áhyggum af umferðaröryggi á vegamótum við brúna yfir Laxá í Mývatnssveit vegna tíðra umferðaslysa.

Byggðarráð tekur undir áhyggjur Slysavarnardeildarinnar Hringsins yfir umferðaöryggi á vegamótun við brúna yfir Laxá. Jafnframt lýsir byggðarráð yfir áhyggjum af sambærilegum gatnamótum víðar í sveitarfélaginu. Nú er unnið að umferðaröryggisáætlun fyrir sveitarfélagið og hvetur byggðarráð Vegagerðina að bæta umferðaöryggi í sveitarfélaginu.

Samþykkt

12.

Kvenfélag Mývatnssveitar - Umsagnarbeiðni vegna tækifærisleyfis - 2501006

Fyrir byggðarráði liggur beiðni um umsögn vegna umsóknar Kvenfélags Mývatnssveitar um tækifærisleyfi vegna þorrablóts sem haldið verður í Skjólbrekku í Mývatnssveit 25. janúar 2025.

Byggðarráð gerir ekki athugasemd fyrir sitt leyti en leita þarf staðfestingar sveitarstjórnar í tölvupósti þar sem viðburðurinn fer fram fyrir næsta reglulega sveitarstjórnarfund.

Samþykkt