11. fundur

1.

Akstur fyrir eldri borgara í félagsstarf - 2306004

Erindi frá Elínu Ívarsdóttur varðandi möguleika eldri borgara að taka þátt í því félagsstarfi sem sveitarfélagið býður upp á.

Nefndin þakkar erindið og lítur verkefnið jákvæðum augum. Nefndin leggur til við sveitarstjórn að skoðaðir verði möguleikar á ákveðnum leiðum, þátttöku í kostnaði og þörf/áhuga á þjónustunni. Einnig að athugað verði hvað hefur áður verið skoðað viðvíkjandi þessu máli á fyrra kjörtímabili.

Samþykkt

2.

Reglur um skólaakstur í Þingeyjarsveit - 2304029

Reglur um skólaakstur lagðar aftur fyrir nefndina.

Nefndin staðfestir reglurnar fyrir sitt leyti.

Samþykkt

3.

Verklagsreglur leikskóla Þingeyjarsveitar - 2304024

Verklagsreglurnar hafa verið yfirfarnar af deildarstjórum leikskóladeilda Þingeyjarsveitar og eru lagðar fyrir nefndina til samþykktar.

Nefndin samþykkir verklagsreglurnar með áorðnum breytingum fyrir sitt leyti.

Samþykkt

Jóna vék af fundi áður en 4. liður var tekinn til umræðu.

4.

Viðmið vegna lágmarksmönnunar í leikskólum - 2306017

Lögð eru fyrir nefndina drög að viðmiðum fyrir mönnun leikskóla og verklagsreglur vegna fáliðunar.

Nefndin lýsir yfir ánægju sinni með viðmiðin og samþykkir þau fyrir sitt leyti. Nefndin hvetur sveitarstjórn til að huga að starfsaðstæðum leikskólastarfsfólks með það fyrir augum að gera starfið meira aðlaðandi.

Samþykkt

5.

Ný skólastefna Þingeyjarsveitar - 2209028

Drög að skólastefnu lögð fyrir fundinn.

Staða vinnu við skólastefnu Þingeyjarsveitar rædd og farið yfir drögin. Vinna við skólastefnu er langt komin og útlit fyrir að stefnan verði tilbúin á haustdögum.

Lagt fram