17. fundur

1.

Þingeyjarskóli, Stórutjarnaskóli og Reykjahlíðarskóli - Skóladagatal 2024-2025 - 2404015

Skóladagatöl grunnskóla Þingeyjarsveitar eru lögð fyrir nefndina til samþykktar.

Nefndin hefur yfirfarið skóladagatölin og samþykkir þau fyrir sitt leyti.

Samþykkt

2.

Sérstakur húsnæðisstuðningur - Reglur - 2310015

Reglur Þingeyjarsveitar um sérstakan húsnæðisstuðning eru lagðar fram til endurskoðunar.

Nefndin samþykkir drögin fyrir sitt leyti.

Samþykkt

3.

Hljóðvist í skólum - 2403046

Lagt fram bréf frá umboðsmanni barna um hljóðvist í skólum þar sem skorað er á sveitarfélög að grípa til nauðsynlegra ráðstafana til að bæta hljóðvist í leik- og grunnskólum.

Nefndin beinir því til skólastjórnenda að taka stöðuna með sínu fólki hvað þetta varðar. Nefndin beinir því einnig til sveitarstjórnar að taka tillit til hljóðvistar við endurbætur og breytingar á húsnæði skóla og íþróttamannvirkja.

Samþykkt

4.

Endurskoðun greinasviða aðalnámskrá grunnskóla - Umsagnarbeiðni Samráðsgátt - 2404005

Í samráðsgátt stjórnvalda er mál nr. 89/2024, endurskoðun greinasviða aðalnámskrár grunnskóla til umsagnar. Umsagnarfrestur er til 19. apríl.

Nefndin telur ekki þörf á að senda inn umsögn um endurskoðun greinasviða aðalnámskrár grunnskóla.

Samþykkt

5.

Þjónusta við fatlað fólk - upplýsingagjöf - 2403063

Gæða- og eftirlitsstofnun velferðarmála er að fara af stað með frumkvæðisathugun á upplýsingum um þjónustu við fatlað fólk á vefsíðum sveitarfélaga. Stofnunin sendir sveitarfélögum bréf þar sem þessi athugun er boðuð.

Nefndin lýsir yfir ánægju með frumkvæðisathugun Gæða- og eftirlitsstofnunar velferðamála.

Lagt fram

6.

Stórutjarnaskóli - Skólastarf - 2404016

Birna Davíðsdóttir, skólastjóri Stórutjarnaskóla, segir frá skólastarfinu.

Skólastarfið hefur gengið vel það sem af er vetrar, þrátt fyrir óvenju mikil veikindaforföll. Í vetur hefur verið haldið áfram að innleiða teymisvinnu og teymiskennslu og einnig var á vorönn hafin innleiðing á „Jákvæðum aga“.
Vinna við hönnun á framtíðarhúsnæði Tjarnaskjóls er hafin og gengur vonandi hratt og vel fyrir sig. Þá verður hafist handa við endurnýjun á þaki Stórutjarnaskóla á þessu ári.
Útlit er fyrir að nemendafjöldi haldist svipaður næsta vetur en líklegt er að hópaskipting breytist vegna mismunandi fjölda nemenda í bekkjum.
Fagmenntun er mikil í starfsmannahópnum og ekki útlit fyrir miklar breytingar í starfsmannahópnum.
Nýlega voru fest kaup á nýjum upplýsingaskjám í kennslustofur og fundaherbergi ásamt nýrri prentvél.
Þessa dagana er verið að undirbúa Umhverfis- og lýðheilsuþing Stórutjarnaskóla. Þingið verður haldið 24. apríl og hefst kl. 13:00. Á þinginu verður skólanum afhentur 6. grænfáninn.

Nefndin þakkar Birnu greinargóða yfirferð á skólastarfinu.

Kynnt