10. fundur

1.

Íþróttavellir - 2303039

Lagt fram minnisblað verkefnastjóra fjölskyldumála um íþróttavelli í Þingeyjarsveit og umhirðu þeirra.

Málin rædd. Ákveðið að taka málið aftur upp á næsta fundi.

Frestað

2.

Erindi varðandi 17. júní hátíðahöld - 2304043

Á 24. fundi sveitarstjórnar þann 11.maí 2023 var eftirfarandi bókað: Sveitarstjórn leggur til að fyrirkomulag hátíðarhalda vegna 17. júní verði óbreytt í sveitarfélaginu í ár. Jafnframt tekur sveitarstjórn undir bókun íþrótta-, tómstunda- og menningarnefndar og felur henni að vinna málið áfram.

Á næsta ári verður haldið upp á 80 ára afmæli lýðveldisins. Nú í sumar sameinuðu Efling og kvenfélag Mývatnssveitar krafta sína og héldu myndarlega hátíð í Skjólbrekku. Nefndin leggur til að kannað verði hvort áhugi sé hjá þessum aðilum að endurtaka leikinn. Ennfremur beinir nefndin því til sveitarstjórnar að fjármagn verði tryggt til hátíðarinnar í fjárhagsáætlun.

Samþykkt

Formaður lagði fram ósk til nefndarinnar að taka upp undir afbrigðum lið 4 á dagskránni. Afbrigði samþykkt.

4.

Slægjufundur 2023 - 2309001

Lagt fram bréf frá Huldu Maríu dags. 30. ágúst sl. þar sem hún óskar eftir upplýsingum varðandi Slægjufund 2023.

Slægjufundurinn er meira en aldargömul hefð í Mývatnssveit, en fyrsti Slægjufundur var haldinn 1897. Nefndin leggur til við sveitarstjórn að Hulda María Þorláksdóttir kalli saman slægjunefnd til fyrsta fundar. Ennfremur leggur nefndin til að Slægjufundur verði fastur liður á fjárhagsáætlun sveitarfélagsins.

Samþykkt

3.

Erindi frá ÍSÍ og Landsamtökum eldri borgara - Bjartur lífsstíll - 2309046

Tölvupóstur frá ÍSÍ og landssamtökum eldri borgara um verkefnið ,,Bjartur lífstíll", heilsuefling fyrir íbúa 60 .

Nefndin lýsir mikilli ánægju með þetta verkefni og hlakkar til samstarfsins.

Lagt fram