42. fundur

Félags- og menningarmálanefnd, fundur nr. 42
Dags. 23.10.2014

Fundargerð

42. fundur

Félags- og menningarmálanefndar

haldinn í Kjarna fimmtudaginn 23. október 2014 kl. 15:30

Fundinn sátu:

Heiða Guðmundsdóttir

Hildur Rós Ragnarsdóttir

Jón Þórólfsson

Ingvar Vagnsson

Ari Heiðmann Jósavinsson

Að auki sat Dagbjört sveitarstjóri fundinn undir 4. og 5. lið.

Hildur Rós ritaði fundargerð í tölvu.

Dagskrá

1.      Fundur settur og fundargerð síðasta fundar lesin.

2.      Elfa Bryndís Kristjánsdóttir gerir grein  fyrir stöðu á heimaþjónustu og tómstundastarfi aldraðra.

3.      Auglýsing umsókna styrkja og styrkumsóknir.

4.      Hugmyndir sem fram komu á síðasta fundi varðandi sundlaugina á Laugum.

5.      Fjárhagsáætlun, fyrsta umræða.

Fundargerð

1.       Heiða Guðmundsdóttir setur fundinn og les fundargerð síðasta fundar.

2.       Elfa Bryndís Kristjánsdóttir mætir á fundinn og kynnir málefni eldri borgara. Elfa fer yfir það hvernig Opið hús aldraðra hefur þróast í gegnum árin. Opið hús á sér 20 ára sögu í sveitarfélaginu en hefur verið í núverandi mynd síðan 2008. Þá er opið hús í hverri viku yfir vetrartímann  til skiptis í Stórutjarnaskóla, Breiðumýri og Hafralækjarskóla. Starfið rætt og almenn ánægja fundarmanna með þetta fjölbreytta og skemmtilega starf. Einnig gerir hún grein fyrir stöðu heimaþjónustunnar. Aukin þörf er fyrir þessa þjónustu í sveitarfélaginu og nauðsynlegt að huga betur að þessum málaflokki og veita meiru fjármagni í hann.

3.       Auglýsing umsókna styrkja og styrkumsóknir. Engar umsóknir vegna styrkja til lista- og menningarstarfs og/eða íþrótta- og æskulýðsstarfs hafa borist. Nefndin ákveður að framlengja umsóknarfrestinn og hafa hann til miðnættis 12. nóvember. Formanni falið að auglýsa styrkumsóknir.

4.       Hugmyndir sundlaugarvarðar frá síðasta fundi ræddar. Sveitarstjóri mætir á fund og fer yfir málin.

5.       Fjárhagsáætlun, fyrsta umræða. Þrír málaflokkar eru á vegum nefndarinnar: félagsþjónusta, menningarmál og æskulýðsmál. Sveitarstjóri gerir grein fyrir fjárhagsáætlun.

Fleira ekki bókað og fundi slitið kl. 18.30

Hildur Rós, ritari