90. fundur

Skipulagsnefnd 2022-2026

haldinn í Kjarna miðvikudaginn 24. maí kl. 10:00

Fundarmenn

Ásvaldur Ævar Þormóðsson, form.

Nanna Þórhallsdóttir

Jóhanna Sif Sigþórsdóttir

Hlynur SnæbjörnssonSæþór Gunnsteinsson

Starfsmenn

Bjarni Reykjalin, skipulags- og byggingarfulltrúi

Jónas H. Friðriksson umsjónarmaður fasteigna og framkvæmda

Fundargerð ritaði: Bjarni Reykjalín

Dagskrá:

Umhverfi Goðafoss. Breyting á deiliskipulagi
Þingey Skuldaþingey. Tillaga að deiliskipulagi
Laugar. Vatnsveita Hjalli-Laugar, umsókn um framkvæmdaleyfi.
Þóroddsstaður. Umsókn um stofnun lóða

1. Umhverfi Goðafoss. Breyting á deiliskipulagi. S20140302

Erindi dags 8. febrúar frá Dagbjörtu Jónsdóttur, sveitarstjóra, f.h. Þingeyjarsveitar þar sem óskað er eftir að gerð verði breyting á gildandi deiliskipulagi umhverfis Goðafoss þar sem bílastæði austan Skjálfandafljóts verði stækkuð og þeim fjölgað úr 34 í 90 skv. meðfylgjandi tillögu að breytingu á deiliskipulagi fá Landslagi ehf, Ómari Ívarssyni skipulagsfræðingi.

Skipulags- og umhverfisnefnd gerði ekki athugasemdir við tillöguna og lagði til við sveitarstjórn að skipulags- og byggingarfulltrúa yrði falið að auglýsa hana eins og 1. mgr. 43. gr. skipulagslaga nr. 123/2010 mælir fyrir um. Tillaga að breytingu á deiliskipulagi var auglýst frá og með 17. mars til og með 28. apríl 2017.

Umsagnir bárust frá eftirtöldum aðilum: Umhverfisstofnun, Vegagerðinni, Grími Vilhjálmssyni f.h. landeigenda Rauðár og Minjastofnun

Umhverfisstofnun:

Umsagnir/Athugasemdir	Svör skipulags- og umhverfisnefndar
Umhverfisstofnun telur jákvætt að fjölga bílastæðum við Goðafoss austan ár og telur jákvætt að nýta frágengna námu sem hluta bílastæðis en hafa mætti í huga hvort unnt verði að hafa stærri stæði fyrir rútur í námunni í stað þess að nýta hana eingöngu sem snúningssvæði. Þetta svæði mætti einnig nota sem sem stæði fyrir húsbíla og draga þannig úr sjónrænum áhrifum sem fylgir stórum bílastæðum þar sem fjölda stórra bíla er lagt.	Vísað er til athugasemda landeigenda semvilja engin mannvirki austan vegar að þessu sinni. Skipulags- og umhverfisnefnd hefur fallist á sjónarmið þeirra Sjá einnig eftirfarandi svar.
Umhverfisstofnun telur að kanna eigi betur hvort betur færi á að fjölga bílastæðum frekar við Fosshól í stað þess að gera bílastæði vestan við Bárðardalsveg. Í því sambandi mætti kanna hvort unnt væri að færa Bárðardalsveg austur fyrir Fosshól í ljósi þess hversu nærri vegurinn er mannvirkjum við Fosshól. Umhverfisstofnun telur að staðsetning bílastæða svo þétt við veginn geti hamlað uppbyggingu vegarins og aukið slysahættu við veginn.	Ekki hefur ennþá náðst samkomulag við landeigendur og rekstraraðila við Fosshól um framtíðarskipulag svæðisins. Núverandi bílastæði eru staðsett við nýjan göngustíg austan árinnar með samþykki landeigenda. Nefndin bendir á að unnið er að tillögu að breyttri veglínu Bárðardalsvegar eystri við Fosshól í samvinnu sveitarfélagsins, landeigenda og Vegagerðar. Í þeirri vinnu verður leitað framtíðarlausnar á bílastæðum og aðkomu að þeim fyrir rútur og stærri bíla.
Umhverfisstofnun telur að við gerð deiliskipulags umrædds svæðis eigi að líta til lengri tíma en hér er gert og skoða þá möguleika sem fyrir hendi eru í víðara samhengi.	Í gildi er deiliskipulag fyrir umhverfi Goðafoss til lengri tíma. Í þessari tillögu að breytingu á deiliskipulagi sem nær eingöngu til afmarkaðs hluta deiliskipulagsins er verið að bregðast við síaukinni fjölgun ferðamanna með því að dreifa bílastæðum og fjölga þeim austan árinnar til að draga úr sjónrænum áhrifum sem fylgir stórum bílastæðum.

Vegagerðin:

Umsagnir/Athugasemdir

Svör skipulags- og umhverfisnefndar

Vegagerðin vill benda á að komi rúta sunnan megin frá að sleppistæðunum er farþegum hleypt út beint út á veg. Slík umferð er aftur á móti líklega lítil sem stendur en vert er að hafa þetta í huga. Vegagerðin gerir ekki aðrar athugasemdir við fram lagða tillögu.

Skipulags- og umhverfisnefnd samþykkir að við fyrirhugaðar framkvæmdir við bílastæðin verði ekki gert ráð fyrir stórum rútum á svæðinu að sinni. Nefndin bendir á að unnið er að tillögu að breyttri veglín Bárðardalsvegar eystri við Fosshól í samvinnu sveitarfélagsins, landeigenda og Vegagerðar. Í þeirri vinnu verður leitað framtíðarlausnar á bílastæðum og aðkomu að þeim fyrir rútur og stærri bíla.

Minjastofnun:

Umsagnir/Athugasemdir	Svör skipulags- og umhverfisnefndar
Minjastofnun geri ekki athugasemdir við fyrirhugaða breytingu á deiliskipulagi.	Gefur ekki tilefni til svara

Grímur Vilhjálmsson f.h. landeigenda Rauðár:

Umsagnir/Athugasemdir

Svör skipulags- og umhverfisnefndar

Varðandi breytingu á skipulagi við bílastæði austan Goðafoss,þar er teiknað hringkeyrslu plan austan við Bárðardalsveg Landeigendur Rauðár vilja engin mannvirki austan vegar að þessu sinni,ef ég man rétt nær skipulagið ekki austur fyrir veg, en við bendum ykkur á að hafa samband við okkur varðandi hringkeyrslu vestan vegar, þessi athugasemd má ekki tefja stækkun á bílaplani á nokkurn hátt.

Skipulags- og umhverfisnefnd fellst á athugasemdir landeigenda og samþykkir að hvorki verði gert ráð fyrir snúningssvæði fyrir rútur né öðrum mannvirkjum austan þjóðvegar að þessu sinni. Nefndin ítrekar að hún mun hér eftir sem hingað til hafa fullt samráð við landeigendur um frekari skipulags- og mannvirkjagerð á landi þeirra.

Skipulags- og umhverfisnefnd leggur til við sveitarstjórn að tillaga að breytingu á deiliskipulagi verði samþykkt með þeirri breytingu sem fram kemur í svörum nefndarinnar hér að framan. Jafnframt verði skipulags- og byggingarfulltrúa falið að annast gildistöku tillögunnar eins og skipulagslög nr. 123/2010 mæla fyrir um.

2. Þingey-Skuldaþingey. Tillaga að deiliskipulagi S20160904

Tekið fyrir að nýju erindi dags 30. september 2016 frá Ómari Ívarssyni hjá Landslagi ehf, f.h. Héraðsnefndar Þingeyinga, þar sem sótt eru um heimild til að vinna deiliskipulag á kostnað nefndarinnar skv. 2. mgr. 38. gr. skipulagslaga nr. 123/2010 af Þingey og Skuldaþingey skv. meðfylgjandi skipulagslýsingu dags 3. október 2016 frá frá Landslagi ehf. Erindið var síðast á dagskrá nefndarinnar 12. október 2016. Á þeim fundi lagði nefndin til við sveitarstjórn að umsækjanda væri heimilað að vinna deiliskipulag á sinn kostnað skv. meðfylgjandi skipulagslýsingu. Nefndin fól skipulags- og byggingarfulltrúa að leita umsagnar um lýsinguna hjá Skipulagsstofnun og umsagnaraðilum og kynna hana fyrir almenningi eins og 3. mgr. 40. gr. skipulagslaga nr. 123/2010 mælir fyrir um og var það gert frá og með fimmtudeginum 16. mars til og með fimmtudeginum 6. apríl 2017.

Umsagnir bárust frá eftirtöldum aðilum: Umhverfisstofnun, Skipulagsstofnun, Minjastofnun Íslands, Náttúruverndarnefnd Þingeyinga, Vegagerðinni og Heilbrigðiseftirliti Norðurlands eystra.

Skipulags- og umhverfinefnd felur skipulags- og byggingarfulltrúa að koma innkomnum umsögnum/athugasemdum á framfæri við Héraðsnefnd Þingeyinga og skipulagsráðgjafa hennar með tilmælum um að þær verði teknar til efnislegrar meðferða við gerð skipulagstillögunnar. Þá óskar nefndin eftir því að fá fyrrgreinda aðila á næsta fund nefndarinnar til að gera nánari grein fyrir hugmyndum að skipulagi svæðisins.

3. Laugar. Vatnsveita Hjalli Laugar, umsókn um framkvæmdaleyfi. S20170501.

Erindi dags 10. maí 2017 frá Dagbjörtu Jónsdóttur, sveitarstóra, f.h. Þingeyjarsveitar, þar sem sótt er um framkvæmdaleyfi fyrir lagningu á kaldavatnslögn frá miðlunartönkum frá Hjalla að núverandi vatnsveitulögn sunnan við Dalakofann. Fylgigögn með umsókn eru: Minnisblað um þverun Reykjadalsár frá Eflu verkfræðistofu, umsögn fiskifræðings vegna þverunar Reykjadalsár. umsögn veiðifélags Reykjadalsár og Eyvindarlækjar vegna þverunar Reykjadalsár, samþykki landeigenda og verkfræðiteikningar unnar af Eflu verkfræðistofu.

Skipulags- og umhverfisnefnd leggur til við sveitarstjórn að umsókn um framkvæmdaleyfi: samkvæmt framlögðum gögnum verði verði samþykkt og jafnframt verði skipulags- og byggingarfulltrúa verði falið að gefa út framkvæmdaleyfið í samræmi við reglugerð nr. 772/2012 um framkvæmdaleyfi og 13. gr. skipulagslaga nr. 123/2010

4. Þóroddsstaður. Umsókn um stofnun lóða. S20170502

Erindi dags. 10.ágúst 2016 frá Ingimar Árnasyni f.h. Átthagafélagsins Eiðs, Ásvegi 24, 600 Akureyri, þar sem hann sækir um heimild til að stofna þrjá lóðir undir frístundahús í landi Þóroddsstaðar skv. meðfylgjandi hnitsettum lóðauppdrætti frá Búgarði og útfylltu eyðublaði F-550 frá Þjóðskrá.

Skipulags- og umverfisnefnd gerir ekki athugasemdir við stofnun lóðanna og leggur til við sveitarstjórn að erindið verði samþykkt og jafnframt verði skipulags- og byggingarfulltrúa falið að stofna þær í Fasteignaskrá.

Fundi slitið.

Til baka