14. fundur

1.

Ákvörðun útsvars og fasteignaskatts fyrir árið 2023 - 2212013

Á 13. fundi sínum þann 14. desember sl. samþykkti sveitarstjórn að útvar árið 2023 yrði 14,52%. Þann 16. desember sl. var undirritað samkomulag á milli ríkis og sveitarfélaga, varðandi fjármögnun þjónustu við fatlað fólk og hækkun útsvarsálagningar. Samkomulagið felur í sér að hámarksálagningarhutfall útsvars hækkar um 0,22 prósentustig, úr 14,52% í 14,74%. Á móti lækkar tekjuskattsálagning ríkisins um sama hlutfall. Breytingin hefur því ekki áhrif á heildarálögur á skattgreiðendur.

Til máls tók: Knútur Emil, Gerður og Arnór
Með vísan til framangreindra ákvæða varðandi breytingu á fjármögnun á þjónustu við fatlað fólk í fyrirliggjandi samkomulagi á milli ríkis og sveitarfélaga, dagsett 16.desember 2022, sem byggir á breytingu á lögum um tekjustofna sveitarfélaga sem samþykkt var á Alþingi 16. desember 2022, samþykkir sveitarstjórn Þingeyjarsveitar samhljóða að álagningahlutfall útsvars fyrir árið 2023 verði 14,74% en ekki 14,52% eins og áður hafði verið samþykkt.

2.

Sameiningarnefnd - 5 - 2210004F

Fundargerð sameiningarnefndar lögð fram til staðfestingar.

Til máls tók Halldór
Fundargerð sameiningarnefndar lögð fram til staðfestingar.

2.1

2208030 - Samkeppni um merki fyrir nýtt sveitarfélag

Sveitarstjórn staðfestir afgreiðslu sameiningarnefndar.

3.

Umboð til staðgengils sveitarstjóra - 2212025

Sveitarstjóri Þingeyjarsveitar verður fjarverandi frá og með 29. desember 2022 til og með 9. janúar 2023. Lagt er til að oddviti gegni hlutverki staðgengils hans á meðan.

Til máls tók Halldór
Sveitarstjórn samþykkir samhljóða að oddviti sveitarstjórnar skuli vera staðgengill sveitarstjóra í fjarveru hans.

Samþykkt