48. fundur

Oddviti setti fund og óskaði eftir að taka á dagskrá sem 5. lið mál nr. 2409051 - Slægjufundur 2024 og sem 10. lið, beiðni um lausn frá störfum í sveitarstjórn frá Helga Héðinssyni.

Samþykkt samhljóða.

 

1. Skýrsla sveitarstjóra - 2303021

Sveitarstjóri gerði grein fyrir helstu störfum sínum frá síðasta reglulega sveitarstjórnarfundi. Skýrslan flutt munnlega og til kynningar.

Kynnt

 

2. Samstarfssamningur LV - Ráðning verkefnastjóra - 2409045

Lögð fram drög að samstarfssamningi við Landsvirkjun um ráðningu verkefnastjóra í 50% starf með starfsstöð í Gíg.

Verkefnastjóri verður í 50% starfi hjá Þingeyjarsveit og í 50% starfi fyrir SSNE. Helstu verkefni verkefnastjóra verða verkefni á sviði umhverfis- og atvinnuþróunar hjá sveitarfélaginu og SSNE, s.s. græn skref og loftslagsstefnu sveitarfélaga, samantekt og miðlun sjálfbærniupplýsinga, önnur tilfallandi verkefni sem tengjast samfélags- og sjálfbærnimálum, verkefni tengd fjölnýtingu jarðvarma og verkefni tengd atvinnuuppbyggingu í Þingeyjarsveit.

Til máls tóku: Arnór, Eyþór Kári.

 

Sveitarstjórn felur sveitarstjóra að undirrita samninginn fyrir hönd sveitarfélagsins.

Samþykkt

 

3. Samstarfssamningur SSNE - Ráðning verkefnastjóra - 2409046

Lögð fram drög að samstarfssamningi við SSNE um ráðningu verkefnastjóra í 100% starf með starfsstöð í Gíg. Samningurinn byggir á samningi nr. 4686 við Landsvirkjun um samstarf. Verkefnastjóri verður í 50% starfi hjá Þingeyjarsveit og í 50% starfi fyrir SSNE. Helstu verkefni verkefnastjóra verða verkefni á sviði umhverfis- og atvinnuþróunar hjá sveitarfélaginu og SSNE, s.s. græn skref og loftslagsstefnu sveitarfélaga, samantekt og miðlun sjálfbærniupplýsinga, önnur tilfallandi verkefni sem tengjast samfélags- og sjálfbærnimálum, verkefni tengd fjölnýtingu jarðvarma og verkefni tengd atvinnuuppbyggingu í Þingeyjarsveit.

 

Sveitarstjórn felur sveitarstjóra að undrrita samninginn fyrir hönd sveitarfélagsins.

 

Samþykkt samhljóða.

Samþykkt

 

4. Samtök orkusveitarfélaga - aðalfundur 2024 - 2409028

Fyrir sveitarstjórn liggur boð á aðalfund Samtaka orkusveitarfélaga sem haldinn verður á Hilton Reykjavík Nordica miðvikudaginn 9. október kl. 13. Óskað er eftir framboðum í stjórn og að þau berist fyrir kl. 14 2. október.

Til máls tóku: Jóna Björg, Knútur.

 

Sveitarstjórn felur Knúti Emil Jónassyni að sitja fundinn fyrir hönd sveitarfélagsins. Jafnframt er Knútur Emil Jónasson tilnefndur í stjórn samtakanna.

 

Samþykkt samhljóða.

Samþykkt

 

5. Slægjufundur 2024 - 2409051

Fyrir sveitarstjórn liggur erindi frá Önnu Dagbjörtu Andrésdóttur varðandi framkvæmd og fjárhag Slægjufundar 2024. Venju samkvæmt er Slægjufundur haldinn fyrsta vetrardag ár hvert og í ár ber hann upp á 26. október.

Til máls tók: Ragnhildur Hólm.

 

Sveitarstjórn samþykkir að styrkja Slægjufund 2024 um kr. 375 þúsund sem teknar verða af lið 05-710. Sveitarstjórn leggur til að Anna Dagbjört Andrésdóttir kalli saman fyrsta fund Slægjunefndar.

 

Samþykkt samhljóða.

 

 

Samþykkt

 

6. Breyting á heiti barnaverndarþjónustu - 2409039

Fyrir sveitarstjórn liggur beiðni um staðfestingu á breytingu á heiti barnaverndarþjónustu á svæðinu.

Barnaverndarþjónusta Norðurþings heyrir nú undir Barnaverndarþjónustu Eyjafjarðar. Um er að ræða sameiginlega barnaverndarþjónustu 10 sveitarfélaga, þ.e. Akureyrarbæjar, Dalvíkurbyggðar, Norðurþings, Langanesbyggðar, Tjörneshrepps, Þingeyjarsveitar, Svalbarðsstrandahrepps, Grýtubakkahrepps, Eyjafjarðar og Hörgárbyggðar. Starfsfólk barnaverndarþjónustu Norðurþings er áfram með starfsstöð í Stjórnsýsluhúsi Norðurþings á Húsavík.

 

Í ljósi sameiningarinnar er það lagt til, af hálfu fagráðs barnaverndarþjónustunnar, að Barnaverndarþjónusta Eyjafjarðar fái heitið "Barnaverndarþjónusta á Norðurlandi eystra"

 

Sveitarstjórn samþykkir nýtt heiti á Barnaverndarþjónustu Eyjafjarðar í "Barnaverndarþjónusta á Norðurlandi eystra".

 

Samþykkt samhljóða.

Samþykkt

 

7. Kosningar í nefndir, ráð og stjórnir - 2206018

Fyrir sveitarstjórn liggur fyrir tillaga um breytingar á nefndaskipan tímabilsins 2022-2026:

 

Umhverfisnefnd: Arnheiður Rán Almarsdóttir hefur beðist lausnar. Garðar Finnsson sem áður var varamaður, tekur sæti hennar í nefndinni og sem varamaður í hans stað kemur inn Jóhanna Björg Jóhannsdóttir.

 

Atvinnu- og nýsköpunarnefnd: Jónas Þórólfsson formaður víkur sæti úr nefndinni og við stöðu formanns tekur Snæþór Haukur Sveinbjörnsson. Arnór Benónýsson kemur nýr inn sem aðalmaður.

 

Fræðslu- og velferðarnefnd: Einar Örn Kristjánsson formaður nefndarinnar hefur beðist lausnar og við formennsku tekur Ragnhildur Hólm Sigurðardóttir. Böðvar Baldursson kemur nýr inn í nefndina. Árni F. Sigurðsson sem verið hefur varamaður hefur flutt lögheimili sitt úr sveitarfélaginu og er því ekki lengur kjörgengur sem nefndarmaður. Sem varamaður í stað hans kemur Svavar Ingvarsson.

Til máls tók: Eyþór Kári

 

Oddviti bar tillöguna upp til afgreiðslu.

 

Tillagan er samþykkt með sex atkvæðum Gerðar, Knúts, Arnórs, Jónu Bjargar, Árna Péturs og Ragnhildar. Haraldur, Halldór og Eyþór Kári sitja hjá.

 

Sveitarstjórn þakkar fráfarandi nefndarmönnum fyrir störf sín og óskar þeim velfarnaðar í framtíðinni.

 

8. Fjárhagsáætlun HNE 2025 - 2409042

Lögð fram til samþykktar fjárhagsáætlun Heilbrigðiseftirlits Norðurlands eystra ásamt yfirliti yfir áætlun framlög sveitarfélaga 2025.

Sveitarstjórn vísar fjárhagsáætlun HNE til fjárhagsáætlunargerðar.

 

Samþykkt samhljóða.

Samþykkt

 

9. Heitloftsþurrkun fiskafurða á Laugum - 2409044

Lagt fram erindi frá Eyþóri Kára Ingólfssyni þar sem hann óskar eftir að málefni heitloftsþurrkunar fiskafurða á Laugum verði tekið á dagskrá fundarins.

Til máls tók: Haraldur, Jóna Björg, Gerður, Arnór, Haraldur, Gerður. Ragnheiður Jóna, Arnór, Eyþór Kári, Árni Pétur, Knútur.

 

Haraldur Bóasson lagði fram eftirfarandi tillögu:

 

Sveitarfélagið boði til íbúafundar sem fyrst um málefni heitloftsþurrkunar fiskafurða á Laugum. Fulltrúar Samherja og Heilbrigðiseftirlits Norðurlands eystra (hne) verði fengnir til að upplýsa um stöðu mála.

Lagt fram af fulltrúum E-listans: Eyþóri Kára Ingólfssyni, Halldóri Þorláki Sigurðssyni og Haraldi Bóassyni.

 

Tillagan er felld með fimm atkvæðum Gerðar, Arnórs, Árna Péturs, Jónu Bjargar og Ragnhildar. Knútur situr hjá.

 

Jóna Björg lagði fram eftirfarandi bókun f.h. meirihlutans:

 

Fiskþurrkun Samherja að Laugum er fjölmennur vinnustaður í sveitarfélaginu og lýsir sveitarstjórn þungum áhyggjum af stöðu mála, þar sem óljóst er um framtíð starfanna. Allt frá því að starfsleyfi Samherja var gefið út til eins árs haustið 2023 af Heilbrigðisnefnd Norðurlands eystra vegna heitloftsþurrkunar fiskafurða, þar sem auknar kröfur voru gerðar til mengunarvarna og vöktunar, hefur sveitarfélagið fylgst grannt með þróun mála.

 

Byggðarráð fundaði með fulltrúum Samherja í mars sl. þar sem farið var yfir starfsemina á Laugum og stöðuna vegna þessara auknu krafna. Sveitarstjórn var jafnframt upplýst nú í september á fundi með fulltrúum Samherja um að sótt hefði verið um sex mánaða framlengingu á starfsleyfi til að skapa aukið svigrúm til að bregðast við auknum kröfum.

 

Staðan núna er að eftir því sem okkur er best kunnugt hefur engin ákvörðun verið tekin um framtíð vinnslunnar en höfum verið upplýst um að vinna er komin af stað við að kanna alla möguleika og sveitarfélagið hefur í samskiptum við Samherja lýst sig boðið og búið að koma að þeirri vinnu.

 

Heilbrigðisnefnd getur á hverjum tíma ekki gert annað en farið eftir lögum og reglum eins og fram kemur í úrskurði hennar um framlengingu á bráðabirgðavinnsluleyfi sem samþykkt var á fundi nefndarinnar 18.september sl.

 

Þegar frekari upplýsingar og forsendur liggja fyrir verða íbúar upplýstir um framvindu málsins og boðað til íbúafundar ef þörf krefur. Mikilvægt er að tryggja störf á svæðinu og mun sveitarfélagið nú sem áður vinna að því.

 

Tillagan er samþykkt með sex atkvæðum: Gerðar, Knúts, Arnórs, Árna Péturs, Jónu Bjargar og Ragnhildar. Haraldur, Halldór og Eyþór Kári greiða atkvæði á móti tillögu Jónu Bjargar.

 

 

Samþykkt

 

10. Beiðni um lausn frá störfum í sveitarstjórn - 2409054

Fyrir sveitarstjórn liggur bréf frá Helga Héðinssyni þar sem hann óskar eftir lausn frá störfum í sveitarstjórn Þingeyjarsveitar vegna flutnings úr sveitarfélaginu.

Til máls tók: Arnór.

 

Arnór þakkaði Helga Héðinssyni fyrir samstarf á vettvangi sveitarstjórnarmála til langs tíma, ekki síst í aðdraganda sameiningar þeirra sveitarfélaga sem nú mynda Þingeyjarsveit.

 

Sveitarstjórn Þingeyjarsveitar samþykkir að veita Helga Héðinssyni lausn frá sveitarstjórnarstörfum frá og með 26.september 2024. Arnór Benónýsson kemur inn sem aðalmaður í sveitarstjórn. Úlla Árdal kemur inn sem varamaður í sveitarstjórn.

 

Samþykkt samhljóða.

Samþykkt

 

11. Byggðarráð - 26

- 2409001F

Fyrir sveitarstjórn liggur til staðfestingar fundargerð 26. fundar byggðarráðs frá 5. september. Fundargerðin er í 10 liðum. Liðir 1, 5 og 10 þarfnast afgreiðslu sveitarstjórnar

Jóna Björg kynnti fundargerðina.

Staðfest

11.1 2408035 - Tilnefning í starfshóp um málefni Dvalarheimilis aldraðra

Samþykkt samhljóða.

11.2 2409004 - Óstaðbundin störf í Þingeyjarsveit

Sveitarstjórn staðfestir afgreiðslu byggðarráðs.

11.3 2409005 - Húsnæðismál Tjarnaskjóls - erindi frá starfsmönnum leikskóladeildar

Staðfest.

11.4 2409006 - Húsnæðismál Tjarnaskjóls - erindi frá starfsmönnum grunnskóladeildar Stórutjarnaskóla

Staðfest.

11.5 2404058 - Stórutjarnaskóli - leikskóli hönnunartillögur

Samþykkt samhljóða.

11.6 2409007 - Húsnæðismál tónlistardeildar Stórutjarnaskóla

Staðfest.

11.7 2409011 - Erindi frá foreldrafélagi Tjarnaskjóls - húsnæðismál leikskólans

Staðfest.

11.8 2305033 - Breyting fundartíma byggðarráðs

Staðfest.

11.9 2409016 - Fjárhagsáætlun 2025

Lagt fram.

11.10 2408046 - Mývatn ehf. - Umsagnarbeiðni vegna tímabundins áfengisleyfis

Samþykkt samhljóða.

 

12. Fræðslu- og velferðarnefnd Þingeyjarsveit - 20 - 2409002F

Fyrir sveitarstjórn liggur til staðfestingar fundargerð 20. fundar fræðslu- og velferðarnefndar frá 5. september. Fundargerðin er í 11 liðum. Liðir 3 og 11 þarfnast afgreiðslu sveitarstjórnar

Ragnhildur Hólm kynnti fundargerðina.

Staðfest

12.1 2406021 - Stórutjarnaskóli - skólaskýrsla 2023-2024

Lagt fram.

12.2 2404069 - Leikskólinn Barnaborg, Krílabær, Tjarnarskjól og Ylur - skóladagatal 2024-2025

Frestað.

12.3 2409008 - Þingeyjarskóli, Stórutjarnaskóli og Reykjahlíðarskóli - starfsáætlun 24-25

Sveitarstjórn staðfestir afgreiðslu fræðslu og velferðanefndar.

12.4 2409010 - Skólavist utan lögheimilissveitarfélags - erindi um fyrirkomulag

Staðfest.

12.5 2409011 - Erindi frá foreldrafélagi Tjarnaskjóls - húsnæðismál leikskólans

Lagt fram.

12.6 2406036 - Ábyrgð og hlutverk sveitarfélaga - fæðingarorlof og inntaka barna á leikskóla

Lagt fram.

12.7 2403063 - Þjónusta við fatlað fólk - upplýsingagjöf

Lagt fram.

12.8 2409007 - Húsnæðismál tónlistardeildar Stórutjarnaskóla

Kynnt.

12.9 2409006 - Húsnæðismál Tjarnaskjóls - erindi frá starfsmönnum grunnskóladeildar Stórutjarnaskóla

Kynnt.

12.10 2409005 - Húsnæðismál Tjarnaskjóls - erindi frá starfsmönnum leikskóladeildar

Kynnt.

12.11 2409012 - Leikskólinn Ylur - breyting á leikskólalóð

Sveitarstjórn felur sviðsstjóra umhverfis- og framkvæmdasviðs að greina kostnað við breytingu á lóðinni og hvort breytingar sem þessar uppfylli öryggisstaðla samkvæmt reglugerð nr. 1025 nr. 2022 um öryggi leikvallatækja og leiksvæða og eftirliti með þeim.

 

Samþykkt samhljóða.

 

13. Íþrótta-, tómstunda- og menningarnefnd Þingeyjarsveit - 20 - 2409003F

Fyrir sveitarstjórn liggur til staðfestingar fundargerð 20. fundar íþrótta-, tómstunda- og menningarnefndar frá 9. september. Fundargerðin er í 7 liðum. Liðir 1, 4, 5 og 6 þarfnast afgreiðslu sveitarstjórnar.

Eyþór Kári kynnti fundargerðina.

Staðfest

13.1 2409027 - Kosning varaformanns - Íþrótta-, tómstunda- og menningarnefnd

Sveitarstjórn staðfestir afgreiðslu nefndarinnar.

13.2 2409018 - Styrkir til menningarmála 2024 - seinni úthlutun

Staðfest.

13.3 2409017 - Styrkir til íþrótta- og æskulýðsmála 2024 - seinni úthlutun

Staðfest.

13.4 2306005 - Reglur um frístundastyrki

Sveitarstjórn vísar beiðninni til fjárhagsáætlunargerðar fyrir árið 2025.

 

Samþykkt samhljóða

13.5 2209017 - Erindisbréf ungmennaráðs

Samþykkt samhljóða.

13.6 2408027 - Leikhópurinn Umskiptingar - Fyrirspurn vegna leiksýningar

Arnór bar upp vanhæfi vegna þessa liðs og var það samþykkt. Arnór vék af fundi kl. 14.24.

 

Samþykkt samhljóða.

 

Arnór kom aftur inn til fundar kl. 14.25.

13.7 2312051 - Félagsmiðstöðvar Þingeyjarsveitar

Staðfest.

 

14. Atvinnu- og nýsköpunarnefnd Þingeyjarsveit - 14 - 2409004F

Fyrir sveitarstjórn liggur til staðfestingar fundargerð 14. fundar atvinnu- og nýsköpunarnefndar frá 9. september. Fundargerðin er í 3 liðum. Liðir 2 og 3 þarfnast afgreiðslu sveitarstjórnar.

Staðfest

14.1 2409024 - SSNE - kynning á starfsemi

Kynnt.

14.2 2409023 - Fjarskipti í Þingeyjarsveit

Til máls tóku: Jóna Björg, Árni Pétur.

 

Sveitarstjórn felur sveitarstjóra og oddvita að funda með Fjarskiptastofu vegna málsins.

 

Samþykkt samhljóða.

 

 

 

14.3 2409001 - Heimreiðamokstur - umsóknir

Sveitarsjórn staðfestir afgreiðslu nefndarinnar

 

15. Umhverfisnefnd - 19 - 2409005F

Fyrir sveitarstjórn liggur til staðfestingar fundargerð 19. fundar Umhverfisnefndar frá 12. september. Fundargerðin er í tveimur liðum sem ekki þarfnast afgreiðslu sveitarstjórnar.

Árni Pétur kynnti fundargerðina.

Staðfest

15.1 2206055 - Loftslagsstefna sveitarfélagsins Þingeyjarsveitar

Kynnt.

15.2 2409026 - Starfsáætlun umhverfisnefndar

Kynnt.

 

16. Skipulagsnefnd - 28 - 2408003F

Fyrir sveitarstjórn liggur til staðfestingar fundargerð 28. fundar skipulagsnefndar frá 18. september sl. Fundargerðin er í 10. liðum. Liðir 1, 5, 6, 7, 9 og 10 þarfnast afgreiðslu sveitarstjórnar.

Haraldur kynnti fundargerðina.

Staðfest

16.1 2409033 - Borplan við Kröflustöð - skipulagsmál

Sveitarstjórn tekur undir bókun skipulagsnefndar og gerir ekki athugasemdir við fyrirhugaða framkvæmd.

 

Samþykkt samhljóða.

16.2 2409035 - Olnbogaás Hótel Laxá - umsókn um stöðuleyfi

Staðfest.

16.3 2404008 - Gautlönd 1 - umsókn um byggingarleyfi fyrir viðbyggingu við fjós

Staðfest.

16.4 2409031 - Hellukot, einbýlishús - umsókn um byggingarleyfi

Staðfest.

16.5 2408039 - Hlíðarkot úr landi Hlíðar - umsókn um stofnun lóðar

Sveitarstjórn staðfestir afgreiðslu skipulagsnefndar.

 

Samþykkt samhljóða.

16.6 2405041 - Beiðni um breytingu á aðalskipulagi vegna Voga 1

Sveitarstjórn staðfestir afgreiðslu nefndarinnar.

 

Samþykkt samhljóða.

16.7 2405027 - Vogar íbúðarsvæði og aðkoma - breyting á deiliskipulagi

Sveitarstjórn staðfestir afgreiðslu skipulagsnefndar.

 

Samþykkt samhljóða.

16.8 2409034 - Vogar 1, ferðaþjónustuhús - breyting á skipulagi

Frestað.

16.9 2309017 - Hofstaðir - beiðni um heimild til deiliskipulagsgerðar

Sveitarstjórn staðfestir afgreiðslu nefndarinnar.

 

Samþykkt samhljóða.

16.10 2405024 - Kröfluvirkjun niðurdælingaholur - beiðni - breyting á skipulagi

Sveitarstjórn staðfestir afgreiðslu skipulagsnefndar.

 

Samþykkt samhljóða.

 

17. Byggðarráð - 27 - 2409006F

Fyrir sveitarstjórn liggur til staðfestingar fundargerð 27. fundar byggðarráðs sem haldinn var 19. september. Fundargerðin er í níu liðum. Liðir 4 og 9 þarfnast afgreiðslu sveitarstjórnar.

Jóna Björg kynnti fundargerðina.

Staðfest

17.1 2406000 - Aflið

Sveitarstjórn staðfestir afgreiðslu byggðarráðs.

 

Samþykkt samhljóða.

17.2 2409022 - Umhverfis- og framkvæmdasvið

Staðfest.

17.3 2409016 - Fjárhagsáætlun 2025

Lagt fram.

17.4 2409025 - Afskriftir tapaðra krafna

Sveitarstjórn staðfestir afgreiðslu byggðarráðs.

 

Samþykkt samhljóða.

17.5 2409020 - RECET - ósk um samstarf

Sveitarstjórn staðfestir afgreiðslu byggðarráðs.

 

Samþykkt samhljóða.

17.6 2409003 - Beiðni um samning um þyrluskíðun í landi Þingeyjarsveitar

Sveitarstjórn staðfestir afgreiðslu byggðarráðs.

 

Samþykkt samhljóða.

17.7 2409037 - Styrkbeiðni - Félag sauðfjárbænda

Sveitarstjórn staðfestir afgreiðslu byggðarráðs.

17.8 2305041 - Kálfaströnd - girðingar

Lagt fram.

17.9 2409030 - Arctic Challenge félagasamtök - Umsagnarbeiðni vegna tækifærisleyfis

Sveitarstjórn staðfestir afgreiðsluna.

 

Samþykkt samhljóða.

 

18. Dvalarheimili aldraðra Húsavík - fundargerðir - 2206048

Lögð fram til kynningar fundargerð stjórnar Dvalarheimilis aldraðra fra 21. ágúst sl.

Kynnt

 

19. Stjórn Norðurorku - fundargerðir - 2305038

Lögð fram til kynningar fundargerð 300. fundar stjórnar Norðurorku frá 20.08. sl.

Kynnt

 

20. Aðalfundur 2024 - Tjarnir hf. - 2408001

Lögð fram til kynningar fundargerð aðalfundar Tjarna ehf. frá 18. júlí sl.

Kynnt

 

21. Samtök orkusveitarfélaga - fundargerðir - 2311142

Lagðar fram til kynningar fundargerðir 72.,73., 74. og 75. fundar Samtaka orkusveitarfélaga.

Kynnt

 

22. Leiguíbúðir Þingeyjarsveitar hses. - fundargerðir - 2208004

Lögð fram til kynningar fundargerð 30. fundar stjórnar Leiguíbúða Þingeyjarsveitar hses. frá 6. september sl.

Kynnt

 

23. Fundir stjórnar SSNE 2022-2026 - 2209048

Lögð fram til kynningar fundargerð 65. fundar stjórnar SSNE frá 4. september sl.

Kynnt

 

24. Samband íslenskra sveitarfélaga - Fundargerðir - 2306029

Lögð fram til kynningar fundargerð 951. fundar stjórnar Sambands íslenskra sveitarfélaga frá 30. ágúst sl.

Kynnt

 

25. Heilbrigðisnefnd Norðurlandssvæðis eystra - Fundargerðir - 2307011

Lögð fram til kynningar fundargerð 237. fundar Heilbrigðisnefndar Norðurlands eystra frá 18. september sl.

Kynnt

 

26. Boð á haustþing SSNE - 2409019

Fyrir sveitarstjórn liggur boð á haustþing SSNE föstudaginn 4. október nk. kl. 11. Staðsetning liggur ekki fyrir. Á 4. fundi sveitarstjórnar þann 6. júlí 2022 voru tilnefndir eftirtaldir fulltrúar á ársþing SSNE. Gerður Sigtryggsdóttir, Knútur Emil Jónasson og Jóna Björg Hlöðversdóttir.

Fundurinn verður haldinn í Hofi.

Kynnt

 

27. Leiguíbúðir Þingeyjarsveitar - ársreikningur 2023 - 2408038

Lagður fram til kynningar ársreikningur Leiguíbúða Þingeyjarsveitar hses.

Kynnt

 

28. Málefni Flugklasans - kynning á stöðu - 2409040

Lögð fram gögn frá Flugklasanum þar sem staða klasans er kynnt.

Kynnt

 

 

Fundi slitið kl. 14:56.