Sveitarstjórn Þingeyjarsveitar

Málsnúmer 2303021Vakta málsnúmer

Málsnúmer 2206018Vakta málsnúmer

Málsnúmer 2501046Vakta málsnúmer

Málsnúmer 2501044Vakta málsnúmer

Málsnúmer 2501060Vakta málsnúmer

Málsnúmer 2501007Vakta málsnúmer

Málsnúmer 2501022Vakta málsnúmer

Málsnúmer 2501061Vakta málsnúmer

Málsnúmer 2501002FVakta málsnúmer

• 9.1 2412018 Pólarhestar ehf. - Vegna gistingar að Breiðumýri
  Byggðarráð - 33 Byggðarráð felur sviðsstjóra fjármála- og stjórnsýslusviðs að ræða við bréfritara og umsjónarmenn Breiðumýrar varðandi úrlausn málsins. Bókun fundar Sveitarstjórn staðfestir afgreiðslu byggðarráðs.
• 9.2 2412031 Foreldrafélag Barnaborgar - Ýdalir, beiðni um aðstöðu til að hafa fjölskyldumorgna
  Byggðarráð - 33 Byggðarráð telur jákvætt að stuðlað sé að hreyfingu allra aldurshópa og er það í anda Heilsueflandi samfélags. Byggðarráð samþykkir að beiðni foreldrafélags Barnaborgar falli undir stakan æfingatíma í gjaldskrá Ýdala. Bókun fundar Sveitarstjórn staðfestir afgreiðslu byggðarráðs.
• 9.3 2412032 Boð á rafrænt aukaþing SSNE
  Byggðarráð - 33 Fulltrúar Þingeyjarsveitar á þingi SSNE eru Gerður Sigtryggsdóttir, Knútur Emil Jónasson og Jóna Björg Hlöðversdóttir. Bókun fundar Kynnt.
• 9.4 2412035 Brák hses - Boð á ársfund
  Byggðarráð - 33 Byggðarráð felur sveitarstjóra að sitja fundinn fyrir hönd Þingeyjarsveitar. Bókun fundar Sveitarstjórn staðfestir afgreiðslu byggðarráðs.
• 9.5 2412038 Beiðni um tilnefningar í svæðisráð vestursvæðis í Vatnajökulsþjóðgarði 2025-2029
  Byggðarráð - 33 Byggðarráð leggur til að skipan verði óbreytt og Þorlákur Páll Jónsson verði aðalmaður og Anna Bragadóttir varamaður. Bókun fundar Sveitarstjórn samþykkir að skipan í svæðisráð Vestursvæðis Vatnajöklusþjóðgarðs verði óbreytt og fyrir hönd sveitarfélagsins sitji Þorlákur Páll Jónsson sem aðalmaður og Anna Bragadóttir sem varamaður.
  
  Samþykkt samhljóða.
• 9.6 2501002 Reglur um birtingu skjala á vef Þingeyjarsveitar
  Byggðarráð - 33 Byggðarráð samþykkir fyrir sitt leyti framlögð drög með áorðnum breytingum og vísar þeim til sveitarstjórnar. Bókun fundar Sveitarstjórn samþykkir drög að reglum um birtingu gagna á vef Þingeyjarsveitar og felur sviðsstjóra fjármála- og stjórnsýslusviðs að birta þær á heimasíðu sveitarfélagisns.
  
  Samþykkt samhljóða.
• 9.7 2501003 Skýrsla yfirkjörstjórnar vegna alþingiskosninga 2024
  Byggðarráð - 33 Byggðarráð þakkar yfirkjörstjórn greinargóða skýrslu og gagnlegar ábendingar. Byggðarráð leggur til við sveitarstjórn að unnin verði tillaga að framtíðarfyrirkomulagi kosninga í Þingeyjarsveit.
  
  Eyþór Kári lagði fram eftirfarandi bókun:
  Ég tek heilshugar undir athugasemdir yfirkjörstjórnar enda hafði ég gert athugasemdir við þessi atriði fyrir kosningar. Kostnaður og óvissa fylgdi því að skipta sveitarfélaginu í tvær kjördeildir, einnig lagði ég til að kosið yrði í Reykjahlíðarskóla.
  Ég tel að næst þegar kosið verður skuli sveitarfélagið vera ein kjördeild með einn kjörstað í Þinghúsinu á Breiðumýri.
  
  Bókun fundar Sveitarstjórn þakkar yfirkjörstjórn og undirkjörstjórnum fyrir vel unnin störf við framkvæmd kosninga í Þingeyjarsveit. Sveitarstjórn leggur til að sviðsstjóra fjármála- og stjórnsýslusviðs að taka saman kosti og galla við annars vegar eina kjördeild í sveitarfélaginu eða tvær og leggja fyrir sveitarstjórn.
  
  Samþykkt samhljóða.
  
• 9.8 2501001 Auglýsing um skrá yfir störf undanþegin verkfallsheimild
  Byggðarráð - 33 Byggðarráð samþykkir fyrirliggjandi lista og vísar honum til staðfestingar sveitarstjórnar. Bókun fundar Sveitarstjórn samþykkir fyrirliggjandi lista og felur sviðsstjóra fjármála- og stjórnsýslusviðs að senda hann til birtingar í B- deild Stjórnartíðinda.
  
  Samþykkt samhljóða.
• 9.9 2501004 Mývetningur - endurnýjun snjótroðara
  Byggðarráð - 33 Byggðarráð þakkar erindið og elju Mývetnings í að reka skíðasvæði við Kröflu og telur byggðarráð mikilvægt að tryggt verði að svo sé áfram og felur sveitarstjóra að ræða við stjórn Mývetnings. Bókun fundar Sveitarstjórn staðfestir afgreiðslu byggðarráðs.
• 9.10 2409044 Heitloftsþurrkun fiskafurða á Laugum
  Byggðarráð - 33 Bókun fundar Frestað.
• 9.11 2501012 Ábending - Vegamót við Laxárbrú
  Byggðarráð - 33 Byggðarráð tekur undir áhyggjur Slysavarnardeildarinnar Hringsins yfir umferðaöryggi á vegamótun við brúna yfir Laxá. Jafnframt lýsir byggðarráð yfir áhyggjum af sambærilegum gatnamótum víðar í sveitarfélaginu. Nú er unnið að umferðaröryggisáætlun fyrir sveitarfélagið og hvetur byggðarráð Vegagerðina að bæta umferðaöryggi í sveitarfélaginu. Bókun fundar Sveitarstjórn staðfestir afgreiðslu byggðarráðs.
• 9.12 2501006 Kvenfélag Mývatnssveitar - Umsagnarbeiðni vegna tækifærisleyfis
  Byggðarráð - 33 Byggðarráð gerir ekki athugasemd fyrir sitt leyti en leita þarf staðfestingar sveitarstjórnar í tölvupósti þar sem viðburðurinn fer fram fyrir næsta reglulega sveitarstjórnarfund. Bókun fundar Sveitarstjórn gerir ekki athugasemd við umbeðið leyfi og hafði áður samþykkt leyfisbeiðnina í tölvupósti.
  
  Samþykkt samhljóða.

Málsnúmer 2501005FVakta málsnúmer

• 10.1 2501035 Fjármála- og stjórnsýslusvið
  Byggðarráð - 34 Byggðarráð þakkar Margréti Hólm greinargóða yfirferð og fagnar því að stór skref séu framundan í stafrænni vegferð. Bókun fundar Kynnt.
• 10.2 2403024 Heilsueflandi samfélag
  Byggðarráð - 34 Byggðarráð leggur til við sveitarstjórn að auglýst verði eftir verkefnum til samstarfs við sveitarfélagið í samræmi við markmið heilsueflandi samfélags. Bókun fundar Sveitarstjórn samþykkir tillögu byggðarráðs um að auglýst verði eftir verkefnum til samstarfs við sveitarfélagið í samræmi við markmið heilsueflandi samfélags og felur sviðsstjóra fjölskyldusviðs að auglýsa eftir verkefnum og jafnframt felur sveitarstjórn íþrótta-, æskulýðs og tómstundanefnd að yfirfara innkomnar tillögur og leggja tillögu til afgreiðslu fyrir sveitarstjórn.
  
  Samþykkt samhljóða.
• 10.3 2501027 Anna Dagbjört Andrésdóttir - Maður er manns gaman
  Byggðarráð - 34 Byggðarráð frestar afgreiðslu málsins. Bókun fundar Frestað.
• 10.4 2501029 Beiðni um tilnefningar í svæðisráð norðursvæðis í Vatnajökulsþjóðgarði 2025-2029
  Byggðarráð - 34 Byggðarráð leggur til að skipan verði óbreytt og staðfestir setu núverandi fulltrúa sem eru Gerður Sigtryggsdóttir og Árni Pétur Hilmarsson, aðalfulltrúar og Anna Guðný Baldursdóttir og Jóna Björg Hlöðversdóttir, varafulltrúar. Bókun fundar Sveitarstjórn samþykkir að skipan í svæðisráð Norðursvæðis Vatnajökulsþjóðgarðs verði óbreytt og þar sitji Gerður Sigtryggsdóttir og Árni Pétur Hilmarsson sem aðalfulltrúar og Anna Guðný Baldursdóttir og Jóna Björg Hlöðversdóttir sem varafulltrúar.
  
  Samþykkt samhljóða.
• 10.5 2501034 Beiðni um styrk - aðgengi í Flatey
  Byggðarráð - 34 Byggðarráð þakkar erindið og leggur til við sveitarstjórn að Félagi Húseigenda í Flatey verði veittur styrkur að upphæð 500 þúsund kr. sem verði færður á lið 05-890/9180. Bókun fundar Sveitarstjórn samþykkir tillögu byggðarráðs um að styrkja Félag Húseignda í Flatey um 500 þúsund kr. sem fjármagnað verður af handbæru fé og fært á lið 05-890/9180.
  
  Samþykkt samhljóða.
• 10.6 2412002 Verðmat á húseignum
  Byggðarráð - 34 Byggðarráð leggur til við sveitarstjórn að selja eignina Skútahraun 2b. Sala eignarinnar fer fram á grundvelli lokamálsliðar fyrsta liðar reglna 3.2. um sölu fasteignar, þ.e. gerð án auglýsingar. Það er gert í ljósi sérstakra aðstæðna en fasteignin er hluti af parhúsi sem er verulega skemmt vegna vatnstjóns. Ráðast þarf í viðgerðir á sameign hússins, m.a. þaki, sem áhrif munu hafa á báðar eignir hússins. Í ljósi ástands hússins, fyrirliggjandi viðgerðarkostnaðar og tíma sem viðgerð getur tekið leggur byggðarráð til við sveitarstjórn að samþykkja kauptilboð frá Antoni Frey Birgissyni eiganda hins eignarhluta parhússins.
  Jafnframt leggur byggðarráð til við sveitarstjórn að hefja
  söluferli á Birkihrauni 6. Bókun fundar Sveitarstjórn samþykkir að ganga að tilboði Antons Freys Birgissonar í Skútahraun 2b og felur sveitarstjóra að undirrita skjöl þess efnis. Jafnframt samþykkir sveitarstjórn að fela sveitarstjóra að setja húseignina Birkihraun 6 í söluferli.
  
  Samþykkt af Gerði, Knút, Arnóri, Jónu Björgu, Ragnhildi, Árna Pétri, Haraldi og Eyþóri. Halldór situr hjá.
• 10.7 2501043 Miðstöð sjúkraflugs á Íslandi - yfirlýsing
  Byggðarráð - 34 Byggðarráð tekur undir sjónarmið sem fram koma í yfirlýsingunni og lýsir yfir áhyggjum af jöfnu aðgengi landsmanna að lífsnauðsynlegri heilbrigðisþjónustu. Bókun fundar Til máls tók: Knútur.
  
  Sveitarstjórn tekur undir bókun byggðaráðs og gerir hana að sinni:
  
  Sveitarstjórn tekur undir sjónarmið sem fram koma í yfirlýsingunni og lýsir yfir áhyggjum af jöfnu aðgengi landsmanna að lífsnauðsynlegri heilbrigðisþjónustu.
  
  Samþykkt samhljóða.
  
  

Málsnúmer 2501004FVakta málsnúmer

• 11.1 2401041 Valkostagreining á meðhöndlun lífúrgangs í Þingeyjarsveit
  Umhverfisnefnd - 22 Umhverfisnefnd leggur til að:
  
  Farið verði í útboð á sorphirðu sveitarfélagsins og í útboðslýsingu kemur fram: Tíðni ferða verði helmingaður, ekki verði sóttur lífrænn úrgangur frá heimilium. Í boði verði stærri/fleiri ílát við heimili til að safna pappa og plasti.
  
  Boðið verði upp á jarðgerðavélar og eða moltutunnur sem verða niðurgreiddar um allt að helming.
  
  Sett verði út lyklastýrð ílát fyrir lífrænan úrgang á völdum stöðum: Skútustöðum, Tjörn, Kross, Einarsstaðir og Fnjóskadalur við brú ásamt þeim gámasvæðum sem fyrir eru.
  
  Útbúið verði fræðsluefni fyrir íbúa sveitarfélagsins s.s. bæklinga, veggspjöld og efni á vef sveitarfélagsins.
  Bókun fundar Til máls tóku: Knútur, Jóna Björg, Arnór, Haraldur, Árni Pétur.
  
  
  Sveitarstjórn tekur undir bókun nefndarinnar og samþykkir að farið verði í útboð á sorphirðu í sveitarfélaginu. Í úboðslýsingu komi m.a. fram fjöldi ferða sem verði fækkað frá því nú er og boðið verður upp á stærri eða fleiri ílát við heimili. I breyttum lögum um meðhöndlun úrgagns er ekki heimilt að urða lífrænan úrgang með heimilissorpi og skal flokka hann sérstaklega. Þingeyjarsveit mun ekki sækja lífrænana úrgang á hvert heimili vegna mikils kostnaðar heldur verður boðið upp á jarðgerðarvélar og/eða moltutunnur sem sveitarfélagið mun niðurgreiða um allt að helming. Einnig verða sett upp lyklastýrð ílát fyrir lífrænan úrgang á völdum stöðum í sveitarfélaginu. Með þessari útfærslu telur sveitarstjórn að hægt verði að halda niðri sameiginlegum kostnaði samfélagsins í sorphirðu í sveitarfélaginu.
  Sveitarstjórn leggur áherslu á að breyting á sorphirðu í sveitarfélaginu verði vel kynnt fyrir íbúum m.a. með aðgengilegu fræðsluefni á heimasíðu sveitarfélagsins, með bæklingum og veggspjöld.
  Sveitarstjórn felur sviðsstjóra umhverfis- og framkvæmdasviðs að hefja undirbúning við útboð á sorphirðu í sveitarfélaginu.
  
  Samþykkt samhljóða.
• 11.2 2411030 Umhverfisviðurkenningar 2024
  Umhverfisnefnd - 22 Nefndin þakkar þær tilnefningar sem nefndinni bárust. Umhverfisverðlaun Þingeyjarsveitar 2025 hlýtur Kvíaból í Köldukinn.
  
  Í tilnefningunni kemur fram að:
  
  ,,Kvíaból í Köldukinn er að mínu mati eitt af snyrtilegustu bæjarstæðum í sveitarfélaginu. Allt slegið og snyrt reglulega, gengið vel um allt á hlaðinu ekkert rusl eða neitt því um líkt fjúkandi. Tún vel græn, flott og hugsað vel um þau. Ábúendur eru nýbyrjaðir í skógrækt í brekkum fyrir ofan sig og verður þetta flottur skógur eftir nokkur ár. Hugsað er vel um byggingar á jörðinni."
  
  Nefndin telur þessa tilnefningu vera lýsandi og tekur undir hana.
  
  Nefndin telur einnig þá aðila sem tilnefndir voru vel að sinni tilnefningu komnir og öðrum til eftirbreytni en það voru auk Kvíabóls: Einishús, Illugastaðir, Fagranes, Hjördís Finnbogadóttir og Klömbur.
  
  Bókun fundar Sveitarstjórn samþykkir að Kvíaból í Köldukinn hljóti umhverfisverðlaun Þingeyjarsveitar 2025.
  
  Samþykkt samhljóða.
  
• 11.3 2412041 Stöðuskýrsla um innleiðingu Árósarsamningsins
  Umhverfisnefnd - 22 Nefndin þakkar kynninguna og leggur ekki fram athugasemdir að svo komnu máli. Bókun fundar Kynnt.

Málsnúmer 2501003FVakta málsnúmer

• 12.1 2310056 Flugklasinn - stöðuskýrsla
  Atvinnu- og nýsköpunarnefnd Þingeyjarsveit - 17 Atvinnu- og nýsköpunarnefnd þakkar Hjalta Páli greinargóða kynningu og ljóst er að klasinn hefur skilað árangri á svæðinu. Atvinnu- og nýsköpunarnefnd leggur áherslu á að starfsemi klasans haldi áfram til lengri tíma. Bókun fundar Kynnt.
• 12.2 2309084 Refa- og minkaveiði - fyrirkomulag
  Atvinnu- og nýsköpunarnefnd Þingeyjarsveit - 17 Allir umsækjendur uppfylla þær kröfur sem settar voru fram í auglýsingu. Atvinnu- og nýsköpunarnefnd leggur til að eftirtaldir aðilar verði ráðnir til veiða í sveitarfélaginu 2025-2028.
  Refaveiðar:
  Svæði 1 - Hrafn Jóhannesson og Davíð Jens Hallgrímsson
  Svæði 2 - Bragi Kárason og Steingrímur Vésteinsson
  Svæði 3 - Gunnar Óli Hákonarson
  Svæði 4 - Engin umsókn barst um þetta svæði
  Svæði 5 - Ingvi Reynir Berndsen
  Svæði 6 - Benedikt Hrólfur Jónsson og Tómas Gunnarsson
  Svæði 7 - Benedikt Hrólfur Jónsson og Tómas Gunnarsson
  Svæði 8 - Gunnólfur Sveinsson, Garðar Jónsson og Jón Snorri Þorsteinsson
  Atvinnu- og nýsköpunarnefnd leggur til að svæði 4 verði sameinað svæði 1. Sviðsstjóra er falið að ræða við umsækjendur um svæði 1.
  
  Minkaveiðar:
  Svæði 1 - Gunnar Óli Hákonarson
  Svæði 2 - Engin umsókn barst
  Svæði 3 - Gunnar Óli Hákonarson
  Svæði 4 - Engin umsókn barst
  Svæði 5 - Gunnar Óli Hákonarson
  Svæði 6 - Benedikt Hrólfur Jónsson og Tómas Gunnarsson
  Svæði 7 - Benedikt Hrólfur Jónsson og Tómas Gunnarsson
  Svæði 8 - Sigurlína Tryggvadóttir
  Lagt er til að svæði 4 verði sameinað svæði 1. Sviðsstjóra er falið að ræða við umsækjendur um þau svæði sem ekki bárust umsóknir um.
  Bókun fundar Sveitarstjórn staðfestir afgreiðslu atvinnu- og nýsköpunarnefndar og felur sviðsstjóra umhverfis- og framkvæmdasviðs að koma með tillögu varðandi þau svæði sem ekki var sótt um og að ganga frá samningum við refa- og minkaveiðmenn í samræmi við tillögu nefndarinnar.
  
  Samþykkt samhljóða.
• 12.3 2501020 Atvinnu- og nýsköpunarnefnd - starfsáætlun
  Atvinnu- og nýsköpunarnefnd Þingeyjarsveit - 17 Atvinnu- og nýsköpunarnefnd vann að starfsáætlun nefndarinnar fram að sumarfríi. Bókun fundar Kynnt.
• 12.4 2401083 Stefna Þingeyjarsveitar 2024-2030
  Atvinnu- og nýsköpunarnefnd Þingeyjarsveit - 17 Bókun fundar Kynnt.

Málsnúmer 2501001FVakta málsnúmer

• 13.1 2501013 Krafla, niðurdælingaholur - umsókn um framkvæmdaleyfi
  Skipulagsnefnd - 32 Skipulagsnefnd samþykkir útgáfu framkvæmdaleyfis vegna tveggja niðurdælingarhola fyrir förgun þéttivatns frá Kröflustöð. Framkvæmdin er í samræmi við breytingu á deiliskipulagi Kröfluvirkjunar, sem auglýst var í B-deild stjórnartíðinda 16. janúar 2025. Áréttað er mikilvægi vöktunar grunnvatnshlotsins Krafla-Bjarnarflag og að fyrir liggi aðgerðaráætlun um viðbrögð sýni vöktun neikvæð áhrif á grunnvatn.
  Skipulagsnefnd leggur til við sveitarstjórn að skipulagsfulltrúa verði falið að gefa út framkvæmdaleyfi skv. reglugerð um framkvæmdaleyfi nr. 772/2012 og 13.-16. gr. skipulagslaga nr. 123/2010. Bókun fundar Sveitarstjórn staðfestir afgreiðslu skipulagsnefndar.
  
  Samþykkt samhljóða.
• 13.2 2412004 Arnstapabyggð 11- umsókn um byggingarleyfi fyrir sumarhúsi
  Skipulagsnefnd - 32 Skipulagsnefnd samþykkir að veita undanþágu frá skilmálum gildandi deiliskipulags Arnstapa samkv. 3. mgr. 43. gr. skipulagslaga nr. 123/2010 þar sem um svo óverulegt frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Nefndin felur byggingafulltrúa að gefa út byggingaleyfi þegar fullnægjandi gögn hafa borist. Bókun fundar Sveitarstjórn staðfestir afgreiðslu skipulagsnefndar.
• 13.3 2412009 Reykjatröð 7 - umsókn um byggingarleyfi fyrir gestahúsi
  Skipulagsnefnd - 32 Skipulagsnefnd samþykkir að veita undanþágu frá skilmálum gildandi deiliskipulags Reykja samkv. 3. mgr. 43. gr. skipulagslaga nr. 123/2010 þar sem um svo óverulegt frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Nefndin felur byggingafulltrúa að gefa út byggingaleyfi þegar fullnægjandi gögn hafa borist. Bókun fundar Sveitarstjórn staðfestir afgreiðslu skipulagsnefndar.
• 13.4 2412033 Búvellir - umsókn um byggingarleyfi fyrir fjós
  Skipulagsnefnd - 32 Knútur vakti athygli á mögulegu vanhæfi sínu vegna aðkomu að undirbúningi málsins. Skipulagsnefnd greiddi atkvæði um hæfi Knúts og var hæfi hans samþykkt samhljóða.
  
  Skipulagsnefnd samþykkir að grenndarkynna áformin nágrönnum, samkvæmt 2. mgr. 44. gr. skipulagslaga nr. 123/2010. Einnig skal óskað eftir umsögn Minjastofnunar Íslands og Heilbrigðiseftirlits Norðurlands eystra, Náttúruverndarstofnun. Byggingafulltrúa er falið að gefa út byggingaleyfi ef engar athugasemdir berast við grenndarkynningu, að fengnum jákvæðum umsögnum umsagnaraðila og þegar fullnægjandi gögn hafa borist. Bókun fundar Sveitarstjórn staðfestir afgreiðslu skipulagsnefndar.
• 13.5 2412023 Garður - umsókn um byggingarleyfi fyrir sólstofu
  Skipulagsnefnd - 32 Skipulagsnefnd samþykkir að grenndarkynna áformin nágrönnum, samkvæmt 2. mgr. 44. gr. skipulagslaga nr. 123/2010. Einnig skal óskað eftir umsögn Minjastofnunar Íslands, Náttúruverndarstofnunar og Heilbrigðiseftirlits Norðurlands eystra. Byggingafulltrúa er falið að gefa út byggingaleyfi ef engar athugasemdir berast við grenndarkynningu, að fengnum jákvæðum umsögnum umsagnaraðila og þegar fullnægjandi gögn hafa borist ásamt leyfi Náttúruverndarstofnunar um framkvæmd innan friðlýstra svæða. Bókun fundar Sveitarstjórn staðfestir afgreiðslu skipulagsnefndar.
• 13.6 2412022 Bústaðir - umsókn um byggingarleyfi fyrir bílskúr
  Skipulagsnefnd - 32 Skipulagsnefnd samþykkir að grenndarkynna áformin nágrönnum, samkvæmt 2. mgr. 44. gr. skipulagslaga nr. 123/2010. Einnig skal óskað eftir umsögn Minjastofnunar Íslands og Heilbrigðiseftirlits Norðurlands eystra, Náttúruverndarstofnunnar og Vegagerðarinnar. Byggingafulltrúa er falið að gefa út byggingaleyfi ef engar athugasemdir berast við grenndarkynningu, að fengnum jákvæðum umsögnum umsagnaraðila og þegar fullnægjandi gögn hafa borist. Bókun fundar Sveitarstjórn staðfestir afgreiðslu skipulagsnefndar.
• 13.7 2410016 Merkjagróf 1 og 3 - umsókn um breyttar stærðir lóða
  Skipulagsnefnd - 32 Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Málinu vísað til sveitarstjórnar. Bókun fundar Sveitarstjórn samþykkir fyrirliggjandi landskiptagerð, enda samræmist hún skipulagsáætlunum.
  
  Samþykkt samhljóða.
• 13.8 2501010 Fosshóll og Rauðá - umsókn um stofnun lóðar
  Skipulagsnefnd - 32 Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Málinu vísað til sveitarstjórnar. Bókun fundar Sveitarstjórn samþykkir fyrirliggjandi landskiptagerð enda samræmist hún skipulagsáætlunum.
  
  Samþykkt samhljóða.
• 13.9 2501009 Úlfsbær - umsókn um stofnun lóðar
  Skipulagsnefnd - 32 Skipulagsnefnd gerir ekki athugasemd við landskiptagerð, enda samræmist hún skipulagsáætlunum. Nefndin telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004. Málinu vísað til sveitarstjórnar. Bókun fundar Til máls tók: Eyþór.
  
  Eyþór vakti athygli á mögulegu vanhæfi sínu við afgreiðslu þessa liðs. Sveitarstjórn hafnaði vanhæfi Eyþórs.
  
  Sveitarstjórn samþykkir fyrirliggjandi landskiptagerð enda samræmist hún skipulagsáætlunum. Sveitarstjórn telur að stofnun lóðarinnar hafi ekki áhrif á búrekstrarskilyrði jarðarinnar, sbr. 6. gr. jarðalaga nr. 81/2004.
  
  Samþykkt samhljóða.
• 13.10 2309003 Aðalskipulag Norðurþings - umsögn
  Skipulagsnefnd - 32 Skipulagsnefnd gerir athugasemd við sveitarfélagamörk sem eru ekki í samræmi við sveitarfélagamörk eins og þau eru í tillögu að aðalskipulagi Þingeyjarsveitar 2024-2044. Bókun fundar Sveitarstjórn staðfestir afgreiðslu skipulagsnefndar.
• 13.11 2405041 Beiðni um breytingu á aðalskipulagi vegna Voga 1
  Skipulagsnefnd - 32 Skipulagsnefnd samþykkir breytingu á aðalskipulagi Skútustaðahrepps, vegna frístundasvæðis 332-F í Vogum, skv. 32. gr. skipulagslaga. Málinu vísað til sveitarstjórnar. Bókun fundar Með vísan í 32. gr. skipulagslaga nr 123/2010 staðfestir afgreiðslu skipulagsnefndar og gerir svör hennar við athugasemdum að sínum.
  Svæðið var áður deiliskipulagt sem frístundabyggð. Um er að ræða breytingu á landnotkun, frá frístundabyggð yfir í íbúðabyggð. Í gildandi aðalskipulagi og deiliskipulagi var búið að heimila rask á þessu svæði sem frístundabyggð. Að öðru leyti vísast í svör við athugasemdum.
  
  Samþykkt samhljóða.
  
• 13.12 2405027 Vogar íbúðarsvæði og aðkoma - breyting á deiliskipulagi
  Skipulagsnefnd - 32 Skipulagsnefnd leggur til við sveitarstjórn að hún samþykki tillögu að deiliskipulagsbreytingu Voga 1 skv. 3. mgr. 41. gr. skipulagslaga nr. 123/2010 með þeim breytingum sem fram koma í svörum við athugasemdum. Bókun fundar Með vísan í 41. gr. skipulagslaga nr. 123/2010 staðfestir sveitarstjórn afgreiðslu skipulagsnefndar og gerir svör hennar við athugasemdum að sínum.
  Svæðið var áður deiliskipulagt sem frístundabyggð. Um er að ræða breytingu á landnotkun, frá frístundabyggð yfir í íbúðabyggð. Í gildandi aðalskipulagi og deiliskipulagi var búið að heimila rask á þessu svæði sem frístundabyggð. Að öðru leyti vísast í svör við athugasemdum.
  
  Samþykkt samhljóða.
  
  
• 13.13 2406041 Aldeyjarfoss - deiliskipulag
  Skipulagsnefnd - 32 Skipulagsnefnd felur skipulagsfulltrúa að kynna skipulagslýsingu vegna deiliskipulagsgerðar fyrir deiliskipulag ferðamannasvæðis við Aldeyjarfoss, Ingvarafoss og Hrafnabjargarfoss í Skjálfandafljóti í samræmi við 3. mgr. 40. gr. skipulagslaga nr. 123/2010. Málinu er vísað til sveitarstjórnar. Bókun fundar Sveitarstjórn staðfestir afgreiðslu skipulagsnefndar.
  
  Samþykkt samhljóða.
  
  
• 13.14 2501008 Laugaból - beiðni - breyting á skipulagi
  Skipulagsnefnd - 32 Skipulagsnefnd vísar erindinu í vinnslu aðalskipulags Þingeyjarsveitar. Málinu vísað til sveitarstjórnar. Bókun fundar Sveitarstjórn staðfestir afgreiðslu skipulagsnefndar.
• 13.15 2401083 Stefna Þingeyjarsveitar 2024-2030
  Skipulagsnefnd - 32 Lagt fram. Bókun fundar Lagt fram.

Málsnúmer 2404013Vakta málsnúmer

Málsnúmer 2307011Vakta málsnúmer

Málsnúmer 2305038Vakta málsnúmer

Málsnúmer 2209048Vakta málsnúmer

Málsnúmer 2306029Vakta málsnúmer

Málsnúmer 2311142Vakta málsnúmer

Málsnúmer 2501037Vakta málsnúmer

Málsnúmer 2311142Vakta málsnúmer

Málsnúmer 2404013Vakta málsnúmer

Málsnúmer 2501038Vakta málsnúmer